Sunday, February 18, 2007

........اللى انكسر

اللى انكسر يتطوح
هنلاقى غيره جديد
والحزن يوم هيروح
ويجينا فرح وليد
واللى انكسر نمحيه
مع اللى فات نرميه
فى البحر ونخبيه
من قلبنا وعيننا
ع الشط أنا واقف
وحدى ومش خايف
فى ايدى كبشة حزن
أضحك وأقوم حادف
ياخدها موج البحر
يضحك يقول شايف
فى لحظة راح الحزن
اجرى يا واد روح
انسى اللى فات وافرح
وعندى هتلقى الحل
اقوله اجمل حل
اللى انكسر يتطوح
أحمد

8 comments:

rosealia29 said...

اللى انكسر يتطوح
هنلاقى غيره جديد
والحزن يوم هيروح
ويجينا فرح وليد


الله حلو أوي .. هو وليد جاب فرح امتى ؟؟ ألف مبروووك ...



بوست 10/10 و في الجووون بجد ..

Unknown said...

هو عفريت الشعر ظهرلك

قشطة يا باشا

ايوه طوح حزنك كده وارميه

قبل ان يطيح بك

وادعيلي والنبي ف لحظات التجلي

وابعتلي عفريت الشعر ساعة كده ولا حاجة

فينك يا جاميكا انت مبقتش بتروح غير عند زيفاجو ولا ايه ؟

hesterua said...

روزا

ربنا يخليكى بجد , البركة فيكى

بعض ما عندكم كمان

جيرو

يا عم انت تأمر اجيبه واهربه من الجمرك واجيبهولك لحد عندك

قصاقيص said...

الله
حلوة أوى
وفيها لحظة قوة رائعه
تحياتي

i love you said...

شعرك
جميل
يا
احمد

برافو
عليك

Memo said...
This comment has been removed by the author.
Memo said...

معقول الكلام ده انت الي كتبه
انا سمعت الاغنيه من على و مش عارفه اقولك الكلمات بتزرع امل و حياه
لو انت فعلا الي كتبه فتحياتي
و تحياتي و مش عارفه اقلك ايه انا عاجزه عن التعليق
بس اقدر اقول رائع من اجمل كلماتالاغاني الي سمعتها في حياتي انا قريت البلوج كلههههههههه كذا مره
استمر

Dananeer said...

ساعات بنحتاج نرجع للبحر نحضن المكسور
عشان نتصالح معاه و نكمل من غير وجع
و بابتسامه رضى