Saturday, May 26, 2007

الحب كده


ياااااااه
أخيرا...؟
انتى وأنا
فى جزيرة فاضية لوحدنا
بعد السنين
بعد الحنين
قابلنا تانى بعضنا
مين قدنا
ومن صغرنا
مكتوب طريقنا فى كفنا
نتوه زمان ونتسرق
من أحلى عمر ونفترق
وتيجى لحظة تضمنا
ع الشط تكتب اسمنا
قصة تانية بتتخلق
وتقوللى ياااااه ...؟
دا يا بختنا
أحمد
عدسة ...وليد منتصر

5 comments:

sara said...

ههههههه جميله اوى الصوره بتاعة كابلز الكابوريات دى شكلهم مقطقط والله بس انت حسستنى بمعنى اللؤه والفراق وان الدنيا دى بحر بس حتى لو ضاعو فيه لو ليهم نصيب مهما ان كان مدى الضياع والموج هيتقابلوا اكيد . بس بجد حلو الكلام عالصوره ههههههههههه شكلهم جميل اوى

meroooo said...

الفراق مكتوب علينا اذا ماكنش دلوقتي اكيد كمان شويه
بس المهم ان يكون عندنا ايمان اننا اكيد هنلتقي تاني
بس بجد احيك علي كلامك

Reem said...

بجد بجد بجد كلام جميل اوى والاحساس بجد عالى وواصلنى تحياتى ليك

Lemonada said...

يا بختها يا عم بيك

وعلى فكرة
تحية جامدةلوليد منتصر، ارحمنى يا عم الصورة لوحدها تكفي من غير اي كلام يعني مش عارفة لو اتكلمت حيكون كلامك اي

hesterua said...

سارة
منور يا قمر
وجميل توصيف كابلز الكابوريا


ميرو
اكيد هنلتقى تانى
عندى يقين فى ده
منوريا باشا

ريم
شكرا يا ريمو
انتى الأجمل

ليموندا

التحية وصلت
شكرا على كلامك الحلو دايما زيك