Monday, June 18, 2007

لوحدك

بتنام لوحدك
وتقوم لوحدك
كأنك لوحدك فى عالم بعيد
بتكتب قصايد
وتكتب أغانى
وتمحيها تانى وتكتب جديد
بتروح لوحدك
وترجع لوحدك
حتى فى حلمك
بتحلم لوحدك
عايش فى زحمة ..لكنك وحيد
أحمد

16 comments:

شيماء الجيزى said...

وانا كمان
زيه بالضبط
لوحدى

مريم said...

ليه كده بس
ليه تيجى ع الجرح
ربنا يسامحك

Unknown said...

لو مفضلش معاك غير قلبك

اوعى تخاف


مش هتموت

هتعيييييش

rosealia29 said...

لوحدي فعلاً ..

soulmate said...

لوحده مش لازم تكون عشان انت لوحدك لوحدك فى الدنيا بس ممكن تكون زى ما قولت فى وسط الزحمه ومعاك ميت واحد وحاسس انك وحيد جوا نفسك عايش لوحدك لا حد حاسك ولا حد سامع الى جواك

غمض عينيك said...

ربنا مايجعل حد فينا وحيد ابدا

محض روح said...

المشكله مش في وحده البشر
وحده الروح اصعب مايكون

ممكن تحس انك لوحدك ومعاك
ألف شخص؟

ساعه الغروب said...

انا كمان كاتبه حاجه بنفس المعنى

كاتبه اغنيه هشام عباس بتاعه
"وبتقولى انا فى الكون لوحديه"


حساها اوى


ولما جيت هنا لقيتك كاتب كلمات فكرتنى بيها



الوحده خلاص اصبحت كائن يحيا بداخلنا جميعا


:)

شكرا ليك

Anonymous said...

ياه اظاهر اننا كتير اوى لينا نفس الحياة

تــسنيـم said...

حلوة أووي أووي يا أحمد

أحمد سلامــة said...

اقسى درجات الوحدة هي اللي تحسها والناس ملفوفين حواليك
كلامك رقيق وقاسي
كعادة المتوحدين دايما
تحساتي

Reem said...

لوحدى دايما حاسة انى عايشة لوحدى اوقات بكون طايرة مجنونة بس اوقات قليلة واوقات بكون وحيدة حزينةدايما بحس ان الوحدة دى ملازمانى

مممممممممم ايه الحزن ده اللى بكتبه

Lemonada said...

فاكرتني في ...... يا مسسسسسسسسسافر وحدك يا مسسسسسافر وحدك وفايتني
لي تبعد عني
لي تبعد عنييييي
ويتشششغلني

جامدة جدا مش كدة
متأسفة لو خليتك مخنوق اكثر

Haitham Abu Akrab said...

يعني تفتكران فيه كام وتحد لوحدة بيشاركك الحلم ده
.

.
.
.
جاوب لوحدك

hesterua said...

شكرا لكل من اهتم بالرد والتعليق

Yasmine Adel Fouad said...

.....
هو نص زى ده يتعلق عليه يتقال ايه
؟
يمكن ربنا يسامحك
بس ساعات بيوجع لما تقدر تطلع احساسك على ورقة
مش بس بتحسه
انت كمان بتخلده