Tuesday, April 25, 2006

ماشى يا عم جاسر

بناء على طلب المدون الجميل جاسر شمس

افتح أقرب كتاب اليك على الصفحة 18 سطر 4
للأسف مفيش كتاب عشان انا فى سيبر
مد ذراعك اليسرى قدر ما تسطيع
ماشى
ما أخر ما شاهدته على التلفزيون
برنامج العاشرة مساء عن اللى حصل فى دهب
بدون أن تسترق النظر تكهن كم الساعة
الساعة 2 بالليل
و الأن كام الساعة فعلا
الا ربع
بأستثناء صوت الكمبيوتر أى صوت تسمع
كالعادة فى السيبر
واحد على يمينى بيظبط واحدة من القاهرة ومفهمها انه من الهرم
وواحد على شمالى بيحاول يقنع واحد فى البالتوك بوجهة نظر ما دينية
متى خرجت من المنزل للمرة الأخيرة وماذا كنت تفعل
من شوية
قلت اطل على الأميل والمدونة واتمتع بأخر شوية شتا فى بورفؤاد
أى موقع كنت تتصفح قبل مباشرتك لهذه الأسئلة
موقع بورسعيد أون لاين
ماذا ترتدى الأن
جينز وسويت شيرت اسود...بس شيك جدا
هل حلمت ليلة أمس
مش حلم بس صورة حد معين بتزورنى كتير اليومين دول
متى أخر مرة ضحكت
من شوية اول ما قريت اسمى عند جاسر شمس
ماذا فوق جدران الغرفة حيث تجلس
ورقة بتقول ممنوع فتح مواقع مخلة بالأداب
هل رأيت شىء غريبا مؤخرا
بدأت أشوف ناس كويسين ومحترمين كتير جدا
ما رأيك فى هذا الأختبار
لزوم ما يلزم
ما اخر فيلم شاهدته
امى كانت بتتفرج على فيلم صغيرة على الحب , ولما سمعت صوت سعاد حسنى مقدرتش اقاوم
وقعدت اتفرج , وضحكت وهى بتقول للدمرداش عندك عقدة الطبيييييخ
اذا اصبحت فاحش الثراء فماذا تشترى
قرية سياحية فى مرسى علم (حلم قديم جدا), وبعد كده عندى حاجات كتير قوى نفسى اعملها
اخبرنى شيئا اجهله عنك
حاجات كتير يمكن انا لغاية دلوقتى معرفتهاش
اذا كان بامكانك تغير شىء واحد فى العالم بغض النظر عن المعاصى والسياسة فماذا تختار
مش عارف
جورج بوش
ترس فى عجلة
لو كان وليدك الأول فتاة فماذا تسميها
مريم , سلمى
لو كان وليدك الأول صبيا ماذا تسميه
يوسف , عمر
قد تفكر يوما فى العيش بالخارج
لغاية دلوقتى لسه
ماذا تتصور ان يقول لك الله عندما تقف بين يديه
مقدرش اجاوب لأن رحمة ربنا فوق تصورى
اربع اشخاص تمرر لهم الدور
جيرونيمو , دعاء كراون , ابو شنب , الغائب الحاضر عمر مصطفى
و الف شكر يا عم جاسر

8 comments:

Alexandra said...

قريت البتاع ده في مدونات كتير بس عجبتني ردودك بالذات
ضحكت جدا على انه الحاجة الغريبة الي بتصادفها اليومين دول هي ناس كتير محترمين!!!

hesterua said...

منورانى , وشكرا على كلامك الجميل
فعلا اليام دى بقابل ناس محترمين وخيرين وبيحبوا يساعدوا بدون مقابل

بالنسبة لمعنى الأسم
هو مش هستروا....هو هيستريا
بس انا كاتبها غلط

ملامح said...

أولا شكرا على زيارتك للبلوج المتواضع بتاعى و إنك سبت كوممينتات كمان
طبعا هو متواضع بالنسبه للبلوج تبعك
يمكن عشان مافيهوش كتابات فلسفيه
بس أعذرنى...أنا باكتب لجمهور ثقافته على قده شويه و كمان أنا باكتب عن موضوع مختلف...باكتب عن نفسى و رؤيتى للعالم حواليا

ثانيا أرجو إنك تسمحلى أعمل لهيستريا لينك عندى عشان جمهورى المتواضع يقدروا يستمتعوا ببلوجك الهايل

ثالثا و ده الأهم...إنى لازم أسجل إعجابى الشديد بالبلوج و عن طريقتك المميزة ف التعبير عن نفسك
بس ليا إستفسار بسيط
ليه مش بتدى فرصة للناس اللى ماعنهاش بلوج إنها تسيبلك كوممينتات؟

نسيت أشكرك على الأغنية بتاعة سلمى
لأن الفكرة دى دايما ف بالى و عاجبانى
إنت فين...إنت وحشتنى و هاموت و أشوفك مع إنى عارفك كويس

آه صحيح
فيه ناس كتير محترمين...دور شوية كمان و هاتلاقى أكتر
:)

Mido 28

Gazzer said...

شكرا على ايه بس يا فندم

قرية سياحية في مرسى علم
مرسى علم دي من أجمل مناطق البحر الأحمر و أحسنها جوا
عندي مشروع هناك لمدة شهر و نص
ابقى تعالى

تحياتي

451 فهرنهايت said...

قرية سياحية مرة واحدة؟!! ماشي ياعم
ربنا ينولك مرادك
بس ماتبقاش تنسانا لما ربنا يفتح عليك

hesterua said...

ملامح
منورنى يا جميل ومش عارف اشكرك اززاى على كلامك الجميل ده , و بعدين فلسفة ايه يا عم بس , دا حتى انا مبحبهاش بس زى ما انت بتقول انا بكتب عن نفسى وعن اللى حواليا ومحبش حتى اعرض موضوع للنقاش او حتى اعلق على حاجة بتحصل , ومبسوط جدا ان الغنوة عجبتك , وشكرا انك حطيت النك بتاعى عندك يا جميل

عم جاسر
شكرا يا جميل
بالنسبة لمرسى علم المنطقة دى حبيتها لما كنت شغال فى الغردقة سنة 99 و 2000
كنت بشتغل فى يخت سفارى وشغلى كان جنوب يعنى سفاجا القصير النابع وصماداى والشونة والفرستونة والنابع ومرسى شجرة وحماطة لحد وادى جمال و سطايح وبرانيس
بس حقيقى اللى خطفنى جدا كان القصير عشان البلد دى عتيقى جدا وفيها اماكن تحسسك انك فى الغورى
ومرسى علم عشان حسيت انى فى حتة محدش شافها قبل كده فعشقت البلد دى وكان عندى احلام كتير طبعا معدش فاضل منها حاجة....و تمتع بوقتك هناك يا جميل

فهرنهيت
عيب يا جميل...منورنى

Gazzer said...

ana aslan bashta3'al fel hurghada 3ayesh feeha ba2aly 3 years
w men demn mas2oleyaty el eshraf 3ala mawke3ein fe el kosseir w marsa 3alam..

de agmal shereet momken temshy feeh fe masr

Geronimo said...

ايه المطب ده ؟؟؟
اجاباتك جامدة ياترى انا هعرف اقول كده
ربنا يسهل