Sunday, December 17, 2006

العجز



شعور أليم
أنك تكون عاجز
وأكتر ألم
انك تكون قادر
و يقولوا مش عايز
العجز تفتح عينك على أحلامك متطولهاش
تلاقى حبيبك محتاجلك
تندهله تقوله انا جنبك ولا يسمعهاش
لما تلاقى حبيبتك تبكى
ولناس غيرك تجرى وتشكى
وتلقى الناس على عجزك تحكى
وعجزك يكبر
وطعم الكلمة فى قلبك يصغر
حتى لسانك يصبح عاجز ميقولهاش
أحمد
الصورة للرائعة سعاد حسنى

10 comments:

Anonymous said...

تركت الحب
اخدت الأسى
..
واد يا احمد
انا شيدت جسر
عند باباى
اللى فى شارع الجمهورية
ابقى تعالى
:
ملحوظة
دا جد مش بعتة

Anonymous said...

تركت الحب
اخدت الأسى
..
واد يا احمد
انا شيدت جسر
جسر انما جسر يعنى
عند باباى
اللى فى شارع الجمهورية
ابقى تعالى
:
ملحوظة
دا جد مش بعتة

Anonymous said...

تركت الحب
اخدت الأسى
..
واد يا احمد
انا شيدت جسر
جسر انما جسر يعنى
عند باباى
اللى فى شارع الجمهورية
هاكلمك
ابقى تعالى
:
ملحوظة
دا جد مش بعتة

Omar Mostafa said...

هو فيه ايه يا جميل؟ متقلقنيش عليك

ساعه الغروب said...

جميله
بس حزينه

مش عارفه اقولك ايه

رقيقه
بس قلقتنا عليك

انا اسفه بجد!!!!!!!

Dananeer said...

اوحش احساس الاحساس بالعجز
الاحساس انك مش قادر تعمل

اتمنى تكون بخير و تعدى الاحساس الكريه ده يا احمد

hesterua said...

تمام يا جماعة
الوضع فل الفل
الحمد لله
الف شكر بجد

rosealia29 said...

العجز تفتح عينك على أحلامك متطولهاش
تلاقى حبيبك محتاجلك
تندهله تقوله انا جنبك ولا يسمعهاش



هي فعلاً كده يا أحمد ..



ألف شكر .. جت في وقتها .

Love & Friendship,this is my life said...

كلامك اثر فيا جدا
احساس العجز ده احساس قاتل
ربنا مايوريه لحد ابدا

علي الالفي said...

عبرت عن اللي الواحد عايز يتكلم عنه و مش لاقي كلام يساعده