زى انهاردة من سنة
شفت فى عنيكى كتير غنا
وسؤال حزين
قد السنين مليان شجن
لحد امتى هيجى وهو مش معايا....؟
قلت الزمن
شايل يا حلوة هديتك
مكتوبالك من سنين
هتغنى مرة ومرتين
وهتفرحى وتنسى الأنين
وهتركبى قطر الحنين
لمحطة الشاطر حسن
وأهو جه حسن
شفتى حسن ....؟
طيب وقلبه يشبهك أبيض تمام
عاشقك قوى
وكأنه مكتوب قسمتك من الف عام
بسيط وصوته غنوتك
مفيش كلام
من سنة
و زى انهاردة بالعدد
كتبت عنك يا ولد وقلت جاى
قلت مكتوب ع الشجر
ان القمر
يوم اكتماله بالتمام
هيجى فارسنا الهمام
ويكمل الغنوة الوحيدة بالنغم
يحلى الكلام
يعلى المقام
ويلعلع الصوت الجميل
ويقول يا ليل ....معدش ليل
أقول يا عين
ياليل ...يا سلام
وأفرح أنا
فرحان أنا ومين قدى
جوايا فيه صوان فرح
وايه بلدى
الزفة حلوة
والدفا موجود
والغنا للصبح
وأيه....من يدى
أحمد
4 comments:
قلت الأول هاعلق على كل سطر.. بس لقيت إن ده فيه تعجيز. فقلت إني هاعلق على كل لون، يعني الأبيات اللي بلون الليل لوحدها، واللي بلون البحر والسما لوحدها، واللي بلون الورد والقلب والحب لوحدها... بس لقيت إن ده برضه منتهى التعجيز
!!
خلاصة الكلام، عشان أخلص من الورطة دي إني أقول لك يسعد صباحك يا أحمد لأني لسه داخلة عندك والساعة لم تصل للتاسعة صباحاً
و لاني عارف ايه الحكاية و مين ست الحسن و مين الشاطر حسن
اقوللك تسلم ايديك
و بجد انت عبرت عن كل تفاصيل الحكاية بالكلام الروعة
بجد يا احمد انت حد جميل جدا
وان شاء الله
ربنا هيوفق
وكل عيد حب وحنا من غير حبيب
بلـــــوج أكثر من رائع
Post a Comment