Monday, June 25, 2007

تنويعات على بركان بحرى

لما اصحابى قالولى بحبك
ضحكت وقلت يدوب اعجاب
واما ابويا وامى نادولى وقالوا بحبك
قلت اززاى ده ما بينا ابواب
هو عشان انا بحكى عليها
وبوصف فيها
يبقى خلاص انا مغرم بيها
كنت بحبك وبخبيها
كنت بشوف النظرة فى عينك مستنية انى ابوح بيها
اسيبك واهرب
خفت أقرب
خفت أجرب أقولها وأعيش فيها
بس لقيتك بتغنيها
كانت لحظة وبحلم بيها
استنيتى اقولها الأول
بس هربت وسبتك فيها
حركة غريبة وفهمتيها
قدرتيها وعمرك يوم ما حكيتى عليها
قلتى يا واد انا وانت اصحاب
كنت بحبك بس سراب
بكره نقابل حب جديد
اوعاك يوم تبعد لبعيد
واما قابلتى حب جديد
قلبك رفرف
قلتى يا غالى لازم تعرف
شفتى بعينك جوه عيونى الفرحة عشانك
وفهمتيها
أول مرة اقولها لنفسى
بينى وبينى و بصرخ بيها
لسه بحبك وبخبيها
أحمد

8 comments:

Lemonada said...

الله يا احمد
تسلم ايديك الي كتبت
جمييييييييييييييل خالص

ولا قولك يسلم قلبك الي كلو حنية الي طلع من جواك الكلام الجميل دة

بجد هايل
يا بختها

صباحك رقة وحنية
ليمو

ghonaua said...

شوف يا أحمد انا قريت ليك حاجات كتير هنا انت شاعر جميل ولا شك وعندك توليفة جميلة بس فى حاجات اسمحلى اقولهالك وهى ان فى تجارب غنائية كتير لازم تنفتح عليها مش كله حب وهجر بس شوف تجربة محمد منير او حتى حميد الشاعرى كمان انت تفعيلتك سهلة وبسيطة وكلامك قريب من كلام بهاء الدين محمد عموما مش هطول عليك بس حابب اقولك انى ملحن وليا تجربة الى حد ما معروفة
ودخلت المدونات الشخصية عشان اشوف
لأصوات الشعرية اللى ممكن تدعم تجربتى لو حابب نتواصل ابعتلى على اميلى ممكن نتقابل فى حفلة منير وانا بزور بورسعيد كتير وليا اصدقاء يسعدنى تتعرف عليهم منهم
ghonaua@hotmail.com

hesterua said...

لموندا
شكرا بجد على كلامك ده

شكرا الحمد لله انه وصلك كده


ghonaua

شكرا يا فندم على كلامك الجميل
اكيد حضرتك قريت فى البروفايل انى بحب منير عشان كده قلت نتقابل فى حفلته
))

عامة منير تجربة رااااااائعة
وانا ادعى انى مطلع عليها وعلى تجارب تانية كتيييير

على فكرة انا ليا تجارب فى شعر الأغنية ..نوعا ما بتبقى فطرية بس شغالة

سعيد بالتواصل معاك

Hadota said...

الاسلوب رائع والكلمات رائعة
احييك من كل قلبى

دا اول مرور ليا
واتمنى اكون صديقة
وتزورنى فى مدونتى المتواضعة

بالمناسبة انا بحب بورسعيد اوى اوى اوى

hesterua said...

حدوتة

منورانى وشكرا على كلامك

jeen said...

بس ليه وجع القلب .. هل هو اتباعا لتساؤل ام كلثوم الشهير

أهو الحب الذى خفت شجونه
أم تخوفت من اللوم فآثرت السكينة

أنـــا حـــــــــرة said...

هو ليه دايما الفن بيوجع حتى لو مكناش بنمر بيه ؟

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول