موجود ومش موجود
وسمعته سبقاه
بنطير نعدى حدود
نلاقى ناس عارفاه
سلطان ولو معهوش
والضحكة متفارقوش
وصعب متحبوش
لو عشت لحظة معاه
...........
فى كل شارع ولد
متسمى على اسمه
وفى كل حتة وبلد
ينادونا وباسمه
لاعمرنا شفناه
لكننا عشقناه
قبطان كتير نلقاه
منتهش يوم عنه
..........
قالوا بتاع حكايات
قالوا كلام ظلمه
عدا وخط وفات
ولا عمر شئ همه
طول عمره ابن البلد
ولا عمره خاف من ولد
والعشق فينا اتولد
لبورسعيد منه
أحمد
عدسة..وليد منتصر
4 comments:
جميل
زى كل حاجه فى بورسعيد
مش عارفه اقول اي
الصوره اخدتك كل الكلام مني
والكلام الي كاتبه اخدني في دنيا ثانيه
وهو عالم افتكرنا انه مبقاش مثلو
تحياتي لثلاثتكم
هو مين الراجل الجامد ده
اصلا
واسمه زوربا
؟؟
نسرين
شكرا يا جميل
منورة
لمونادا
منورة يا جميل
شكرا بجد على كلامك الحلو زيك
جيرو
الراجل ده مصور صديق
وهو اللى فى البوست الأخير برضه
والقصيدة عن أبو العربى
بس اللى بنحبه
:)
Post a Comment