فيروز........البنت اللى عند البير جارة القمر
فيروز 15 عام من عمرى واول من عشقت وانا لم اذل طفل صغير
تجربة ثرية فى حياتى وحياتنا
فيروز اللى بيحبها كل الناس اللى بتحس وبتفهم ( من وجهة نظرى المتواضعة) يعنى
فى و سط التوهة
و الكليبات
بنات الأعلانات
عيد ميلاد فيروز
انا قلت باردو يجوز
الاغيها بكلمتين
ما انا اصلى ليها عاشق
فيروزى لكين متين
فيروز يا حلم عمرى
كان نفسى اكون حبييك
وحلمى كان برىء
اشوفك كاتبة اسمى
على الحور العتيق
كان نفسى اكون شادى
ونغنى سوا
ولما تندهيلى
ينسم الهوا
فيروز يا احلى بنت
عند البير العتيق
اخر الصيفية
مستنية الصديق
زى الملاك فى الدندنة
صوتك دفا
تحت المطر
صوتك عفا
يا جارة القمر
ورجعت الشتوية
وانا لسه معاكى بعيش
شط اسكندرية
و اغانى سيد درويش
صوتك مليان حنية
واصلنى من زمان
وشقاوة طالعة ليا
ويا حنا السكران
وحياة كل الأغانى
وحياة صفاء الروح
جوايا كتير كلام
لسانى نفسه يبوح
الكلمة متشوقة
فى لسانى متعلقة
حبيتك بالصيف
والشتا
والخريف
و المطر و اخر الصيفية
ولما رجعت الشتوية
وعلى جسر الجوزية
وكل سنة وانتى فيروز
زيفاجو
6 comments:
يااااه؟ النهارده فعلاً عيد ميلاد فيروز؟؟
اخص عليا.... ازاي أسمي نفسي عاشقة ليها وأنا معرفش عيد ميلادها.... أحرجتني يا زيفاجو، وعملت خير إنك فكرتنا علشان نتمنى لها ف اليوم ده كل الجمال والحياة اللي أهديتهم لنا :)
كل سنه وهي جميلة، كل سنه وهي فيروز
اولا شكرا على زيارتك لمدونتى
ثانيا انا باردو كنت ناسى رغم انى عارف من زمان
ولما والدتى قالتلى عيد ميلاد فيروز
حسيت انى عاوز اكتب عن الصوت اللى بقالى 15 سنة بموت فيه
وكل سنة وهى فيروز
فيروزضحكة طفل اول ما تفتح عيونك م النوم ع صوتها
فيروز حلم جميل تعيشه وانت صاحي
كل سنة وهي طيبة
قصيدتك لذيذة قوى على فكرة
يااااااااااااااه
فيروز
بجد الواحد مبفاش فىه فى حياته حاجات حلوه كتير
فيروز من الحاجات الحلوه دى بصوتها المتجدد الناعم
شكرا يا زيفاجو على القصيدة و على انك قلتلنا انه عيد ميلادها
برافو انك افتكرت وكتبت.. بس على فكرة فى مقالة حلوة قوى على موقع كيكا عن فيروز كتبها لقمان دريكى وهى ما زالت موجودة على الصفحة الرئيسية وعنوان الموقع
www.kikah.com
كل سنة وهى طيبة
Post a Comment