ظريف انى احب الشمس
عشان دفاها
جميل انى احس...انهاعارفة انى بردان
ومحتاج ليها
بس المش ظريف
انى -افتكرها-ليا لوحدى
وانها بتدفينى لوحدى
وعارفانى لوحدى
مش ظريف
عشان الشمس
بتحبنا كلنا
وتدفينا كلنا
لذيذ انى احس ان البحر بتاعى
وبيفهمنى لما بحكيلو
لذيذ
لذيذ انى احس البحر جواه
اللى جوايا
بقلقه و توتره
بغموضه
بس المش لذيذ
انى افتكر ان البحر بتاعى لوحدى
بيحبنى لوحدى
عشان البحر بتاعنا كلنا
بيحبنا كلنا
مش عارف
فجرى طلع
ولا روح
لما عرفت الحقيقة
ويمكن معرفتهاش
زيفاجو
فى اغرب احواله
1 comment:
بنحب الشمس وهي بتحبنا
بناخد منها وبتدينا
والبحر كمان
لما بيكون
بين ايدينا
مبيكونش بعيد
ومبيكونش قريب
بيخترقنا
بيزلزلنا
ويهدم كل الحواجز
ما بينا وبينه
بيبقة قوى خارجة
عن اطار ارادتنا
شئ مش قادرين
منكونش عاوزينه
الفجر طالع
طالع
ولما بيروح بيطلع
من جديد
ولكل انسان حقيقة
خاصة بيه
وأغرب أحوالنا
لو هتجيب ابداع زي ده
تبقة اروع احوالنا بجد
Post a Comment