Tuesday, January 17, 2006

اختار نهايتى.......للشاعر يسرى حسان

عندى رغبة

أمشى كده

مطرح ما رجلى تودينى

البس جلابية قديمة

واشيل فوق ضهرى شوال

مليان بقزايز فاضية

ولمبات محروقة

وكازوز

وجرايد صفرة

وفردة جزمة قديمة

الف على القهاوى اشحت سجاير

وارفض اقرب م المية

او اغير جلابيتى

أدى لجسمى الحرية يسيبنى

على أى رصيف يختاره

و أعيش على كيفى طليق

من غير بيت

وصحاب

وزوجة

وقرايب

واماكن اشتاق ليها

و توحشنى

3 comments:

ماشى الطريق said...

محلاها عيشة الحرية
بس بذمتك فيه حد فى الزمان ده ممكن بعمل كده؟؟؟؟؟؟؟؟؟؟؟؟؟؟؟؟؟؟

Geronimo said...

ايوه في
حسن العبيط اللى بيلف ف حوارى دار السلام

shortcut said...

ده واحد هربان من حياته