الساعة ستة
والجو عيد
ولازمنى حاجة
أى حاجة
ومبقاش وحيد
وأنا ماشى عادى
والقلب فاضى
بنوتة قمر
والسن خطر
فتحت لى نفسى
لمشوار جديد
وفضلت أقول
شكلها بيقول
وعايزة تقول
وقلبى يقول
اجمد يا واد
خليك حديد
فى قلبى رهبة
وفى عنيها رغبة
واللحظة عمر
والشوق يذيد
ضحكت شوية
هدت شوية
ما البنت بنت
والتقل غية
خطوة ورا
وخطوة قدام
محتار انا
مين هيبدأ
ويرمى السلام
لما فجأة
بدأ الكلام
كانت مفجأة
لما قالت
والنبى يا عمو الساعة كام...؟
وأنا قلت ستة
عمو أحمد
9 comments:
حلوة قوي. قلبي معاك
ya 3einy yabny:( m3lesh
انت ممكن تكون ضيعت عمرك ماشى وراها من غير ما تاخد بالك ان السنين بتجرى وانت لسة ما اخدتش خطوة
تلا قيش ماشى وراها من ايام ما كنت احمد بس من غير عمو
نصيحتى خد الاربعين جنية بسرعة
ازيك يا عمو
ممكن تعرفنى على الأموره اللى انت كنت ماشى وراها
ازيك ياحمد انا جيت بس ماشى يوم السبت25
لقطة حلوة قوى يا احمد ..اكتشفت انى بقالى كتير ما دخلتش عندك ..بجد مفتقدة طزاجة بلوجك
اسكندرية
شكرا وعدت خلاص
فوزى
عيب يا غالى
ووقت كتابة هذه السطور هما وصلوا خلاص
تامر
جيتلك المقر يا فنان
جاسر
يا فاهمنى
ادهم
اخدت بالنصيحة
اسلام
حمد لله ع السلالالالالالالالالالالامة يا بلد
حاسس بلخبطتك الأولانية دى
هتعدى يا جميل...وهتكتسب تجربة حلوة
متنساش يومياتك التفصيلية
رضوى
منورانى على طول
جميلة جدا كلمة طزاجة
يمكن عشان بتبقى انتاج اليوم بجد
حلوة اوىىىىىىىىىىى
جامدة جدا عجبتنى موت ... خيرها فى غيرها يا عمو
:):):)
Post a Comment