بلقاكى ساعات
رسمانى فى عينك ولا شمشون
وساعات عاقل
وساعات مجنون
وساعات بنكون انا وانتى اتنين
وساعات واحد بالشوق معجون
وبحب القانى فى عينك طفل ضعيف
مع وحش مخيف
وأديب فنان
و كتير بلقانى عدم ولا ليا مكان
وازعل وابكى
وعمرى ما بشكى
ووسط الزحمة أمد ايديا لحضن اديكى
وأتوه وأتشكل فى عنيكى
وأحس اديكى وهى بترسم فى ملامحى
واكتب وامحى
وازرع قمحى قصايد عشق فى قلبك الأخضر
وأحزن اكتر
لما بشوف الغيرة فى عينك تاهت عنى
أصلك منى
ومهما بتقسى اكتر واكتر
بضحك واقدر احايل فيكى عشان تبتسمى
وتكتبى اسمى
وترسمى حلمى مع احلامك
فاكرة جنابك
كانت الدنيا تضلم جدا
اخاف واتلخبط
المح توبك
يهرب خوفى
وفيه اتشعبط
واكتب ليكى قصيدة جديدة
واجرى عليكى واقولك شوفى
انتى كلامى وكل حروفى
ومهما هتعملى هفضل جنبك
واملى كفوفى حنان من قلبك
نفسى اعاتبك
احمد
5 comments:
يا جمالوو :-)
بجد حلوة اوى يا احمد
لمستنى بجد ولمستنى قووووووووووى
مش عارفه اقولك ايه بجد
تدخل القلب م الآخر
وكل بيت فيها عالم لوحده الواحد يسرح فيه
انحنى لك احتراما سيدى على هذه العبقريه
قريتها امبارح و رجعت تاني اقراها انهاردة
:) و تقريبا كدة حرجع بكرة
عمر
انت اجمل يا صاحبى يا شاعر
ليك وحشة يا قمر
اجدع واحد
شكرا يا قمر ومنورنى
وينكى
لأ مش قد الكلام ده
منور يا عم
تشانج
بجد بتنورينى والله
شكرا
Post a Comment