Sunday, February 25, 2007

حروف

غريبة هى تلك الرغبة المحمومة فى الكتابة , فجأة وبلا سبب واضح أشعر بالحروف وهى تنساب مسرعة فى عروقى , شعور مدهش بسرعة دوران الأحداث والمعانى مع الدورة الدموية محدثة دوى هائل فى القلب والعقل ورغبة طاغية فى الأمساك بالقلم , شعور غريب لا يعادله غرابة سوى تلك الحالة الطاغية أيضا من الذهد فى الكتابة , تتفاوت أسباب الرغبة وتتباين أسباب الذهد , يوما ما اعتقدت ان لها اسبابا موسمية , أستشعرت الكتابة فى تقلباتها مثل فصول العام , وقد تكون حياتى هى الأخرى أشبه بالعام فى فصوله وتقلباته , شعور أخر تكون معى منذ الطفولة , وتبلور على مدى مراحل العمر المختلفة , اصطلحت على تسميته الألفة مع الكتابة , كنت بمجرد امساك القلم الجديد أعرف هل سأكتب به أم لا , كنت انقبض من بعض الأقلام ومن أول نظرة , بينما اتفائل بأقلام أخرى , كنت أعرف من اول نظرة هل سيحالفنى ذلك القلم فى نجاحى ام سيكون سبب فشلى فى اختبارات الفصل الشهرية , طالما عشقت أيضا تلك الكشاكيل القديمة ذات الورق الأصفر وغلاف أحمر عليه قبة جامعة القاهرة , كم عشقت صوت القلم وهو يجرى فوق الورق الأصفر الخشن محدثا خرفشة محببة للنفس , حتى الأن لا أدرى ما سر رغبتى فى تلك الأيام أن اكسر القلم الرصاص الجديد لنصفين بينما لا أستعمل من البرايات الا تلك ذات المرأة الدائرية من الخلف , أيضا حتى اليوم لا استطيع ان ارى ممحاة الا ورفعتها لأنفى لأستنشق مع رأئحتها رائحة الشتاء والشنط الجلدية

7 comments:

محض روح said...

فعلا كتير بننسى القلم والورقه وكتير اقلام عمرها مابتثير عندك اى كلام او لمابنمسكها بنحس انها مش هيه ديه الى
هتخلينا نكتب كلام ليه معنى وقيمه ديما بحس ان فى ذبذبه بين القلم الى بنكتب بيه الذبذبه ديه هيه الى بتولد الكلام
وديما بنحب القلم والكرسات الى طلع منه اول تجربنا ديما التجربه الاولى فى الكتابه هيه الى بتفضل فى الذاكره
زى الحب الاول بالظبط
مش عرفه حسيت كلامك اوى وحسه انى قولت كلام ملخبط
بس بالتوفيق ويارب تطلع لينا احلى كلام

Dananeer said...

انا كمان باعشق الكشاكيل القديمه ام ورق اصفر مسطر كويس و معرفش ليه
باحب اكتب عليها و بقلم رصاص

مشكلتى انى مبقتش الاقيها
و الناس بتستعجب من طلباتى

بوست حلو يا احمد

كراكيب نـهـى مـحمود said...

تعرف لما بخلص شغل وبنزل من الجريدة مش بشيل القلم في الشنطة بفضل حضناه في ايدي كل واحد منا بيتسند على التاني
عن الكتابة اجمل هوس ومتعه في الوجود
تحياتي

islam yusuf said...

باقولهالك بعنف
انت اللى زيك الجيش ما غيرش فيه حاجه

لامؤاخذه
احم احم

أصل أنا مستغرب ازاى الشاعريه دى لسه فيك مع انك دخلت الجيش
باركلى

أنا خلصت من أسبوع

خوليو said...

عشان كدا مبتجيش المينا ؟

تعالى , فى حمام محشى يجنن

hesterua said...

محض روح
ولا كلام ملخبط ولا حاجة
))
منورانى
دنانير
شكرا يا جميل
فينك بقه
كراكيب
شكرا يا نهى
اسلام بلدى
مبرووووك يا عاااااام
فاكر قلتلك ايه قبلها
هتعدى وهتيجى تقوللى خلصت
خوليو
واحشنى يا عمو
باجى يا عم
مش كنت عندك من يومين
وهطب عليك انهاردة انشاء الله

falastinia said...

you are truly talented.. good luck and keep going ! and tell us more about the army.. am carious because soldiers in general has a super horrible image in my head..