دائما شم النسيم فى بورسعيد له طعم أخر , طابع كرنفالى شعبى غاية فى الروعة , و اذا ذكر شم النسيم فى بورسعيد ذكر الألمبى , تلك الدمية التى تفنن فى صنعها ابناء بورسعيد واحراقها نكاية فى الأحتلال , حيث يمثل الألمبى نموزج مجسم للورد لمبى المندوب السامى الأنجليزى ,, طوال أعوام , وحتى منتصف التسعينات كان احراق اللبمى طقس مقدس عند ابناء بورسعيد الى ان منعته الحكومة لأسباب أمنية واقتصر الأحتفال على بعض العروض الرسمية فقط دون اى طابع شعبى
صور حرائق شم النسيم فى شارع التلاتينى فترة التسعينات
عدسة المصور...وليد منتصر
وفى عام 2006 تضافرت جهود مجموعة من عشاق بورسعيد لأحياء احتفالات الألمبى مرة اخرى , فكانت مبادرة منتدى بورسعيد وتحت رعاية فندق الباتروس وتم اعداد مهرجان كبير تضمن عودة الألمبى مرة أخرى لشوارع بورسعيد , بينما تم عرض معرض مفتوح للجمهور تضمن صور بورسعيد القديمة على مر العصور والذى نال اعجاب غير مسبوق من الجمهور
الصور عدسة المصور وليد منتصرالسنة دى بورسعيد هتحتفل بشم النسيم زى زمان
سهر واحتفالات وامسيات شعرية وسمسمية للصبح
هترجع تانى الأسر تخرج وتستمتع بمناسبة بنعتبرها خاصة بينا بس وبضيوفنا الكتير اللى بيجوا يشاركونا فيها كل سنة
السنة دى كمان فرحتى اكبر انى هقدر اشارك فيها ولو بحاجة بسيطة أعبر فيها عن حبى للبلد دى
بكره انشاء الله , الحد 8 ابريل , فى قاعة سينما الكروان , وقدام عدد كبير جدا من ضيوف بورسعيد وولادها , هيكون فى عرض فيلم وثائقى عن بورسعيد , تعقبه حفلة سمسمية , يعقبها ندوة شعرية للشاعر الكبير عم محمد عبد القادر , وعم كامل عيد , وبعدها انشاء الله هنقدم أنا ولمطرب الجميل على الألفى أمسية شعرية غنائية من الحان على الألفى وغنائه وكلمات العبد الله , انشاء الله يكون احتفال ناجح ومناسبة ترجعلنا بورسعيد زمان , والدعوة عامة للجميع فى شارع طرح البحر أمام فندق الباتروس
فى بورسعيد
لسه الناس ع الشط سهرانة
رغم القلق
والحزن
رغم القلوب اللى حيرانة
لسه العجوز ع البحر منساش الحاجات
ولسه الشباب ع البحر مجربش السكات
أحمد
7 comments:
:) كل سنة وانت طيب يا جميل ..
تخيل عيد ميلادي 9 أبريل هو نفسه يوم شم النسيم ..
:) ربنا يوفقك انت وعلي الجميل ..
تحياتي
محمد عادل \ أوسكار
http://oscar2008.jeeran.com/
بجد بجد بجد انا لم استمتع في حياتي بشم نسيم ولا اليوم كان ليه عندي اهمية بالشكل ده، قبل ما احضره ف بورسعيد والأمر يبقى بالنسبة لي شبه عادة سنوية، وحزين جداً يا احمد اني مش قادر آجي السنة دي عشان حفلة جميزة، خصوصاً ان المرة دي فيه حاجات عظيمة كدة
لكن ملحووقة يا بورسعيد، وسلام كبير ليك يا احمد، وشم نسيم جميل لبلدي وبلدك بورسعيد :-)
يوم سعيد عليك يا رب
مودتى
ازيك يا ابوحميد
الحفله هاتبدى امتى يا جميل
ان شاء الله تتألق انت وعلى
على فكره انا سمعت اغنيه حبيتك تناسيت النوم فعلا صوته جاااااامد
وان شاء الله يبقى يوم حلو
السلام عليكم ورحمة الله وبركاته
بحب اوي بورسعيد في شم النسيم وفي غير شم النسيم بصراحه هي جميله علي طول ، ياما روحناها.... بورفؤاد ، القنال و المعديه و شوارعها الجميله وبيوتها الاجمل واكل السمك عند الكاستن
ياااااه
بموت في بورسعيد
فى بورسعيد لسه الناس ع الشط سهرانةرغم القلق والحزن رغم القلوب اللى حيرانة لسه العجوز ع البحر منساش الحاجات ولسه الشباب ع البحر مجربش السكات
رائعه يااحمد بجد معبره اوى
ومش هانجرب نسكت يا عم
سلااااااام يا جميل
شكرا لكل من اهتم بالرد
Post a Comment