Tuesday, April 24, 2007

فيلم عربى


عدا عليا وساب
وردة فى حضن كتاب
وكلمتين فى جواب
وقال أنا مسافر
جانى بعد غياب
وكأنه مسافرشى
بص فى عنيا وشاف
الوردة مدبلتشى
قرا الجواب بعنيه
قرب ومد اديه
ولسه كان هيقول
لقيتنى قبله بقول
أسف مينفعشى
أحمد

18 comments:

ياسمين said...

الله حلوة قوى قوى
سيبك من موضوع فيلم عربى دة لأن كل حياتنا فيلم عربى اصلا

انت ما بتزورنيش ليه؟

الوردة السوداء said...

حلوة اوى

والعنوان برده
فيلم عربى

حلو اوى

شيماء الجيزى said...

العنوان منطبق عليها جدا
وانت قولت قبليه.؟
اسف
مينفعش
قبل مهو يقولها
مش مهم مين يقولها
المهم انها اتقالت
والاحساس وصل
وبقى فيلم عربى
يمكن
نبكى فى الاخر
تحياتى

sara said...

فعلا كلمة اسف مينفعشى لو اتقالت ممكن توجع بس فى الفيلم العربى اتقالت عشان تنقذ مبدأ البطل
الفكره عجبانى اوى
تقولها انت قبل ما الاخر يقولها
كلنا عندنا العقده دى الخوف من التعرض للرفض .
اسلوبك جميل والمره دى الموضوع جديد
حلو جدا

ياسمين said...

ليه ما فيش بوست جديد

حصان بري said...

الورده مادبلتش جوه عنيك
واستنيت
بس خفت يقولها قبلك
قلتها
اسف ماينفعش
فعلا فيلم عربي
مدونتك لذيذه يا بو حميد

ماسة الحب said...

فيلم عربي
انا برضه كنت مستنياه كده زي فيلم شقة مصر الجديدة وزيك كده
بس هييجي صدقني

حسام مراد said...

فيلم عربى
جاااااامده بجد يا جميل

hesterua said...

ياسمين

منورانى يا ياسمين
شكرا على كلامك يا جميل
انا اقدر مزوركيش برضه

منورانى بجد

بالنسبة للبوستات

الأيام دى مشغول بجد

وبجد

شكرا ع الأهتمام

الوردة السودا
شكرا قوى
تنورينا فى افلام تانية
))

شيماء
شكرا يا بلدياتى
اخبارك ايه

سارة
منورانى دايما بكلامك الكبير قوى ده
))
عاملة ايه يا بنتى


حصان برى

منور يا باشا
وشكرا على كلامك الظريف


ماسة الحب

جاى يا قمر اكيد

منورانى

شكرا على كلامك


حسام
منور يا بلد
شكرا

sad_doraa said...

جيت ع الجرح لا مينفعشي

أحمد عيسي said...

جامدة يابني
صح كدة..حلوة مينفعش دي
في الجوووووون

mariam said...

اه يا احمد..يخرب بيت الافلام العربى يا جدع..انا عايشة واحد جامد جدا..ادعيلى يبقى فيلم تركى فى الاخر
ادعيلى زى مابدعيلك يا وله

دعاء عادل said...

بجد حلو اوى البوست ده عارف حاسه ان الحياة كده
وبجد عجبتنى اوى المدونه بتاعتك
ربنا يوفقك

youma said...

الكلام حلاوته في بساطته ورقة تعبيرك خلت الواحد يقول يا سلااااااام
نحب البساطة في الوصول الى التعبير
عجبني هلبة
تحياتي

محض روح said...

انته وصفت حاله الفراق بعد
الغياب الغير مبررا بالفيلم العربي
ليه ده بالعكس الافلام العربي
بتكون النهايه فيها
غير مقنعه
لكن النهايه هنا كانت مقنعه جدا

تحياتي يا فندم

hesterua said...

ساد دورا
مكنش قصدى والله
معلش بس منورانى

احمد عيسى
منور يا هندسة
شكرا يا عم
احنا مش بنشوط الا فى الجون يا معلم
))

مريم
ازيك يا بنت عمى
بدعيلك يا ابو اسكندر يا جامد
هو ده دستور الأحباء
))

دعاء عادل
شكرابجد على كلامك
منورانى يا قمر


youma
شكرا يا قمر على زيارتك وعلى كلامك الحلو دايما كلامك اجمل


محض روح

وممكن متكنش مقنعة
وممكن مكنتش عاوز انهيها كده
بس انتهت كده
منور يا قمر

yamen said...

الله يا احمد..

بسيطة وجميلة..

وسابت علي وشي بسمة..

تحياتي الحارة

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول