Tuesday, June 26, 2007

حبيبة




((يا بت يا ماريا...يا مجننة القبطان والبحرية ))
كلما أسمعها تندن تلك الأغنية من تراث السمسمية أو تتذكر دور من أدوار الشيخ سيد درويش ازداد انبهارا بتلك المرأة
حبيبة...هذا اسمها , هى جدة صديقى المصور وليد منتصر , نوعا ما ورث وليد حسه الفنى والأدبى منها , رغم سنوات عمرها التى تعدت التسعين الا انها ما زالت عاشقة للحياة والناس , وتعتبر نفسها المتحدث الرسمى عن بورسعيد القديمة , ولما لا ووالدها كان واحدا من اكبر تجار البحر وما زال كل بمبوطى فى بورسعيد يعرف حكاياته حتى الأن ,, ووالدتها من أشهر عائلات بورسعيد الأرستقراطية , ولذلك لن تندهش عندما تجد تلك السيدة التى تغنى أغانى السمسمية والتراث الشعبى تتكلم اليونانية والأيطالية ولهجة أهب الشام ,,,عندما سمعت عنها لأول مرة قيل لى.......هتشوف واحدة من ملامح بورسعيد اللى باقية , مضربهاش العدوان الثلاثى , ولا لحقتها الطيارات فى 67 ....... مزيج نادر هى , تشبه بورسعيد فى طابعها الكوزموبلاتى , ولدت وعاشت حتى الأربعينات فى شارع الثلاثينى أعرق شوارع حى العرب , وتعيش منذ أواخر الأربعينات وحتى الأن فى فيلا بيلى اومبراج اليونانية الأصل على شاطئ بورفؤاد منذ كانت بورفؤاد قاصرة على الأجانب, تعشق بورسعيد وتتدعى أنها تعرف أهلها من بعيد , من أجمل لحظاتها عندما تجلس مع أحفادها فى البلكونة تنظر للبحر وتتذكر عندما لم ترضى أن تترك بورسعيد فترة التهجير حيث كانت ممن استبقوا فى بورسعيد وقت الحرب , كلما أراها لا أستطيع الا ان اقول أربع كلمات فقط .....الله عليكى ,, ربنا يخليكى

أحمد
عدسة حفيدها....وليد منتصر

الصورة الأولى فازت بالمركز الثانى فى مسابقة ساقية الصاوى للتصوير

6 comments:

Lemonada said...

يا عم وليد دة حيجنني
ربنا يخليكم لبعض اولا شكلكم صحاب جدا
ثانيا ربنا يخليلو جدتو
بس بقيت خايفة هي اصلها يوناني ممكن مش تحبني وهو يكرهني
اصلي عندو اصول تركية
همممممم
مش مشكلة بغض النظر عن الاعراق وليد دا حاجة هايلة وانا في سفرتي
حنزل بورسعيد
والله يا عم انت شوقتني جدا
كنت بحب القاهرة والاسكندرية اسوان والغردقة واخيرا طابا
دلوقتي بحب بورسعيد بس بعين وليد وصور واكيد الشكر ليك عشان بتنشر الصور دي

تحياتي واحترامي
وسلام للجدة الطيبة اتمنى لها الصحة الدائمة

هيثم محفوظ said...

الله عليك انت يا احمد كويس قوى انك مهتم باجمل نماذج ممكن تقابلها فى الدنيا .
عارف تحس من التوليفة اللى كونت ستى حبيبة انها من المصريين الخام كلنا عبارة عن خليط من اعراق واجناس كتير المهم اللى يفضل للاخر وياريتكم تقدروا تجمعوا منها اللى حفظاه من تراث السمسمية وتراقبوها عشان تشوفوا لبن السرسوب المصرى .
ياريت تسقوه بعد كده لولادكم او اخواتكم الضغيرين.
سلام يا احمد وسلامى لوليد وستى حبيبة.

غمض عينيك said...

ربنا يخليها ويديها الصحة وطول العمر
تحياتي ليك ولوليد

محمد سمير

Ahmed EIssa said...

عينيك حلوة قوي في التقاط التفاصيل وصياغتها يا بو حميد

hesterua said...

لموندا

مفيش مشاكل عشان الأصل التركى ,, مش بقولك بلد كوزموبلاتيك
تنورى بورسعيد اى وقت بجد
سلامك وصل


هيثم محفوظ
السلام وصل يا فنان يا جميل
فعلا يا هيثم احنا بنحاول نلحق لبن السرسوب ده سواء فى غنا او شعر او قصص وحكايات


محمد سمير
منور يا جميل
سلامك وصل


احمد عيسى
بعض ما عندكم يا هندسة

فوكيره said...

عنييهااااااااا رهيييييييييبه

يا احمد

عنيها بتحكى شرييط زمااان

نفسي اقعد اتكلم معاها واسمعها

من يوم ما شوفت صورتها

او حتى نسجلها وهى بتحكى

وننزلها على اذاعه بورسعيد اون لاين

دى ثرووووووووووه

ربنا يبارك في عمرها