Tuesday, December 11, 2007

شكلك كده

حاجات كتير فيكى
حاجات كتير فيا
يا هلترى انتى
ممكن تكون هى ؟
نصى اللى بتمناه
ومن عمر بستناه
والقى كمان شايلاه
نفس الشعور ليا
بينى وبينك روح
علامات بترسم حلم
من غير كلام بنبوح
فنطقنا نفس الأسم
حتى اللى بتخبيه
هو اللى أنا بداريه
حساه وحاسس بيه
بيقول أكيد هى
شكلك كده ليا
أحمد

13 comments:

هبه الاسكندرانيه said...

جميله كالعاده يا احمد

هبه الاسكندرانيه said...
This comment has been removed by the author.
أبوشنب said...

كلام حلو

بس يا ريت تشيل حرف الواو قبل

من عمر بستناه

عشان مبوظة الوزن

مش قادر اجيبها بصراحة


حاجات كتير فيكي
حاجات كتير فيا
يا هل ترى انتي
ممكن تكون هيا
نصي اللي بتمناه
من عمر بستناه
والقى كمان شايلاه
نفس الشعور ليا

جميل يا ابوحميد

Lemonada said...

الله الله الله
يا ريت تكون هي يا معلم
بجد ربنا يوفقك
مش عارفة بفرح لي لما اشوف اثنين بحبو بعض واعترفو بحبهم دة
بجد فرحانة جدا
ربنا يوفقك ويبسطك

rosealia29 said...

حستها ..

tota_fm said...

بجد متألق كعادتك وكلامها حلو اوى انا عجبتنى اوي واحساسها صادق جدا ربنا يوفقك

tota_fm said...

كل سنه وانت طيب يا احمد وربنا يعيد الايام عليك بالخير

tar7elba7r said...

معلم

tar7elba7r said...

اخويا الكبير
و لازم يبقى جامد

وينكى said...

ياترى بجد لقيتها؟؟



يابختها :)
كل سنه وانت طيب يا أجمد شاعر فى الدنيا كلها

adhm said...

دة شىء عظيم جدا
كيب اب جود وركينج
اور مور ليكلى جود رايتنج

hesterua said...

هبهوووب
انت اللى رائع
بعض ما عندكم يا فندم والله

ابو شنب

انت احلى
كلامك صح جدا يا ابن عمى والله

لمواندا
منورة يا فندم
شكرا على كلامك الرقيق دايما


روزاليا
شكرا يا قمر
الحمد لله انك حسيتيها


توتا
شكرا يا جميل



شلبى
منور يا خال
بعض ما عندكم يا مسيو


وينكى
منورة يا قمر
كل سنة وانتى طيبة


ادهم
شكرا يا جميل
منورنى

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول