حاجات كتير فيكى
حاجات كتير فيا
يا هلترى انتى
ممكن تكون هى ؟
نصى اللى بتمناه
ومن عمر بستناه
والقى كمان شايلاه
نفس الشعور ليا
بينى وبينك روح
علامات بترسم حلم
من غير كلام بنبوح
فنطقنا نفس الأسم
حتى اللى بتخبيه
هو اللى أنا بداريه
حساه وحاسس بيه
بيقول أكيد هى
شكلك كده ليا
أحمد
12 comments:
جميله كالعاده يا احمد
كلام حلو
بس يا ريت تشيل حرف الواو قبل
من عمر بستناه
عشان مبوظة الوزن
مش قادر اجيبها بصراحة
حاجات كتير فيكي
حاجات كتير فيا
يا هل ترى انتي
ممكن تكون هيا
نصي اللي بتمناه
من عمر بستناه
والقى كمان شايلاه
نفس الشعور ليا
جميل يا ابوحميد
الله الله الله
يا ريت تكون هي يا معلم
بجد ربنا يوفقك
مش عارفة بفرح لي لما اشوف اثنين بحبو بعض واعترفو بحبهم دة
بجد فرحانة جدا
ربنا يوفقك ويبسطك
حستها ..
بجد متألق كعادتك وكلامها حلو اوى انا عجبتنى اوي واحساسها صادق جدا ربنا يوفقك
كل سنه وانت طيب يا احمد وربنا يعيد الايام عليك بالخير
معلم
اخويا الكبير
و لازم يبقى جامد
ياترى بجد لقيتها؟؟
يابختها :)
كل سنه وانت طيب يا أجمد شاعر فى الدنيا كلها
دة شىء عظيم جدا
كيب اب جود وركينج
اور مور ليكلى جود رايتنج
هبهوووب
انت اللى رائع
بعض ما عندكم يا فندم والله
ابو شنب
انت احلى
كلامك صح جدا يا ابن عمى والله
لمواندا
منورة يا فندم
شكرا على كلامك الرقيق دايما
روزاليا
شكرا يا قمر
الحمد لله انك حسيتيها
توتا
شكرا يا جميل
شلبى
منور يا خال
بعض ما عندكم يا مسيو
وينكى
منورة يا قمر
كل سنة وانتى طيبة
ادهم
شكرا يا جميل
منورنى
Post a Comment