Saturday, December 22, 2007

اليها فى عيد نصرها....احلى سلام مربع


بورسعيد
وكمان مرة بورسعيد
مليون مرة بورسعيد
يعنى بلدى
اللى ساكن فيها وساكنة فيا
يعنى كسرى والحميدى
بورفؤاد والمعدية
يعنى الكنال
وأجدع عيال بتشجع النادى المصرى
وبيعرفوا يقولوا لأ
المبدعين أه
المدعين لأ
والبحر
كمان مرة البحر
ألف مرة البحر
والشتا ع البحر
والسهر ع البحر
وانا والبحر
وانتى
كمان مرة انتى
أول وتانى وتالت.. انتى
حبيبتى
اللى لسه بتشاور عقلها
وبقولها
بينى وبينك كتيييير
بورسعيد
والبحر وبكره
الشتا
فيروز ومنير
وقلبى
كمان مرة قلبى
اللى بيقول هى
وتانى وتالت ورابع
حاجات كتير فيكى......حاجات كتير فيا
أحمد
عدسة ...الفنان وليد منتصر

4 comments:

rosealia29 said...

جامدة ..
و كمان مرة جامدة ..

وصلت .. أيوة وصلت ..

و نقول تاني ..
و تالت و رابع ..

إحساسك مالوش حل ..

tota_fm said...

كل سنه وبورسعيد طيبه واهلها طيبين واحلى سلام ليها ولاهلها الجدعان انا روحت بور سعيد مره واحده وانا صغيره ونفسي ازورها تانى اوى من كتر ما سمعت عنها وعن جمالها
وتحياتى لكلامك الرائع

Lemonada said...

سلام مربع ومخمس واحلى تماسي على اجمل بلد في مصر مع اني لسة مازرتهاش
واطيب واجمل انسان بورسعيدي في بورسعيد واجمل عين في بورسعيدوليد منتصر
تحياتي وكل سنة وانت طيبين وكل عام وانت منتصرين
تحياتي
ليمو المنعشة بيكم

hesterua said...

روزاليا
منورة
شكرا على ذوقك

توتو

وانتى طيبة
شكرا لذوقك


لمواندا
ازيك يا جميل
شكرا على كلامك الرقيق دايما
منورة