Tuesday, August 23, 2005

اسلوب هذا الرجل

عشقت كتابات هذا الرجل منذ طفولتى منذ 12 عام كان بمثابة الشباك اللى بصيت منه على
جميع انواع الثقافات شعر و نثر و كتابات مصرية و اجنبية تعليقات مريرة على معاناتنا و اخطائنا وحياتنا كلها
رغم انه اسما يعتبر كاتب اطفال و مراهقين الا انى ارى انه لو كتب للكبار رواية تواكب احداث هذه الآمة لكان عندنا محمد عفيفى و نجيب والسباعى بس موديل 2000
هو خلاصة عصارة تجارب كل من كتب عن الشارع المصرى و المصريين عموما
رغم انه بيكتب فى الخيال و الأساطير الا انى ابصم بالعشرة انه من احسن الكتاب اللى بيرصدو مش بس الارع المصرى و الشخصية المصريةلأ ده بيرصد التغير اللى حاصل فيهم و فى البيت المصرى عموما
مطلع على كل كتابات الغرب وامريكا اللاتينية و احداثها
التبعبير اللى اقدر اوصفه بيه انه وصصاف ايوه بيوصف و يصور كل حاجة لدرجة انى بسمع و اشم الحالة اللى بيرسمها فى كلمه
الراجل ده هو الكتور احمد خالد توفيق عبارة عن حارة نجيب محفوظ بس اللى فيها ناس يوسف السباعىاللى بيعملوا زىابطال ابراهيم اصلان بس بخفة دم حركات محمود السعدنى
بس اهم حاجة ان ده كله فى عالم احمد خالد توفيق

2 comments:

وينكى said...

والله انت راجل بتفهم
انا باعشق الراجل دا جدا جدا جدا جدا إلى مالا نهيا
عبقرى ببساطه
فيلسوف وحكيم... ومننا وعلينا
مش قادره اوصف
لكن بجد دكتور احمد خالد دا كنز فكرى رهيب لجيلنا وللأجيال اللى بعدنا
أنا من دلوقتى هارشحه لجايزة نويل
ولا ايه رأيك؟؟

وينكى said...

لى فكره انا عرفت انك بتتكلم عنه هو بالذات من ساعت ما قلت كاتب أطفال ومراهقين
وهل يخفى القمر؟؟