ايه العمل
لو كل مرة هنتفق
راح نفترق
لو كل معنى بيتولد
لحظة سلام
هيتوئد قبل الكلام
ايه العمل
فين الأمل
لو كل مرة اكلمك
ملاقيكيش
لما الكلام
كل الكلام
يروح ميجيش
فين الأمل
و فى كل مرة بيتخلق
معنى جديد
بيتخنق
ويروح بعيد
فين الأمل
لما الوطن مبقاش وطن
مبقاش سكن
ومعدش اى شىء فيه
يتحضن
فين الأمل
ورغم الحاجات
والمسافات
خلاص وصل
احمد
6 comments:
ياسك و صبرط بين ايديك و انت حر
تياس ما تياس الحيام راح تمر
انا دقت مندا و مندا عجبي لقيت
لقيت الصبر مر و برضك الياس مر
عجبي
صلاح جاهين
العمل جواك و الامل جواك و برضك الياس جواك طلع اللي محتاجه و ارمي اللي مستغني عنه
و ديه فترة طبيعية و حتعدي
very nice post :)
شكرا لزيارتك
فعلا كله بيعدى
كل مرة هنتفق
راح نفترق
وف كل مرة بيتخلق
معنى جديد
بيتخنق
لما الوطن مبقاش وطن
مبقاش سكن
ومعدش اى شىء فيه
يتحضن
عارف السكينة التلمة
لما حد يتكلم عن جرحك النازف
غير دمك
يبقة بيعدى عليه من تانى ويفتحه بسكينة تلمة
؟آآآآآآآآآآآآآهـ يا وجعي
سلامتك من الوجع يا جيرو
سلامتك من الوجع يا جيرو
Post a Comment