Friday, October 27, 2006

للحلم أجنحة....للرائعة جيرونيمو

من أجمل ما قرأت للجميلة جيرونيمو

ولما أفرد الجناحات
وأحاول أطير
...... مبقدرش
واقول أمشي
مع الماشيين
وأتصالحي مع السكة
....... مبعرفش
أكون واحدة .... في وسط كتير
لكن أعرف .... أكون وحدي
وكل الكون في جوايا
وغير أحلامي ... وجنوني
....... مبفهمش
يقولوا دماغها ماشية عكس
يقولوا نظرها راح انطس
يقولوا زي ما يقولوا
...... مبتألمش
ومن أفكارهم الخايبة
.....أنا مازعلش
اكون مكسورة .... محنية
وأطاطي ... عشان الريح
انا مقبلش
أنا قلبي
لحلمي أسير
وحلمي بالفضا مربوط
وطول ما انا لسه
بحلم أطير
يعيش الفرح
وحزني يفوت
وطول ما انا لسه بحلم أطير
يكون أملي
ويأسي يموت

6 comments:

وليد منتصر said...

جميلة جدا جدا

رائعة يا جيرونيمو

شكرا يا دكتور

وينكى said...

جيرونيمو طول عمرها مبدعه
وانت كمان ذوقك رائع
تحياتى

ساعه الغروب said...

جميله بجد يا جيرونيمو وكلماتها معبره بجد

شكرا ليك يا أحمد

أنـــا حـــــــــرة said...

ولما أفرد الجناحات
وأحاول أطير
...... مبقدرش
واقول أمشي
مع الماشيين
وأتصالحي مع السكة
....... مبعرفش
أكون واحدة .... في وسط كتير
لكن أعرف .... أكون وحدي
وكل الكون في جوايا
وغير أحلامي ... وجنوني
....... مبفهمش



الله عليها

جميلة جدا
بس حاسة ان فى خلل حصل فى الموسيقى فى الجزء الاخير

لكن الكلمات معبرة بجد

Anonymous said...

أكثر من رائع يا جيرونيمو
شكرا يا دوكتور علي الهديه دي

MAKSOFA said...

فعلا اتفق معك أنها جميله
لكن أنا شويه متعصبه
لجيرونيمو
لأن كل كتابتها جميله