Saturday, October 21, 2006

حكاية عادية جدا


أنا وأنتى
حكاية عادية جدا
حكاية أى حد
بدأ الكلام بورد
وخلص زمان بوعد
لكن ودى الغريبة
لسه بحسك قريبة
مع طلعة كل فجر
ولما الديك بيدن
بحن ليكى جدا
اكتر من أى حد
وأفتكر ملامحك
وبلوزتك أم ورد
وشعرك الفلو
وبرفان معرفش اسمه
ورقة كلمة ألو
وأقول سنين وعدت
القى الشمس اللى طلعت
وفى حضنها النهار
تقول دا كان هزار
واقول قلب بجد
))
حكاية عادية جدا
حكاية كل حد
احمد
والصورة ...عدسة العبد لله برضه

25 comments:

وليد منتصر said...

يشرفنى أكون أول من يترك تعليق على هذا الجمال الرائع الذى سطرته يديك

من أجمل ما قرأت لك

ربنا يكرمك يابوحميد

Violena said...

جميلة جداً

عادة مش بحب الأشعار المكتوبة بالعامية إلا فى حدود ضيقة جداً .. لكن نصك مقتحم لأى حد يقراه

شجن نبيل يتدفق من بين السطور


***
أعجبتنى الصورة أيضاً .. فأنا من هواة التصوير وإن لم أجد الفرصة بعد للتمادى فى جنونى به

***


تحية لك

شكسبير said...

سيدى يا سيدى على الحب
!!!!!!!

rosealia29 said...

بقت حكاية غير عادية لأنك كتبتها .. و بإحساسك نقلتها ..

و لسبب بسيط كمان .. إنك مش أي حد ..

دمت ..

schlau_oyoo said...

فعلا رائعة و كلها احساس.

Ghada said...

تحفة :))

bluestone said...

جميلة قوي ودافية ...
واحلى مافيها براءتها ورقتها ..
عاملة زي كوباية شاي بلبن دافية في صباح يوم شتوي .. عادية جدا ومدهشة جدا

تحياتي

yellowkitty said...

احساسك فعلا غريب

Dananeer said...

حلوه و دافيه زى الشمس اللى فى الصورة يااحمد
حلو انك كل مادا كمان تعرف ان مصر حلوه اوى بس محتاجين نشوف كويس حوالينا

MAKSOFA said...

ده
اول أكتشاف لي عنك
انت شاعر عاميه
بتكتب برومانسيه
كل سنه وانت طيب

Geronimo said...

حكاية عادية
ف كلام بساطته ورقته مش عاديين
عبقري والله يا احمد

ساعه الغروب said...

اولا لما انت بكلماتك الرقيقه دى تبقى صاحب الحكايه لا يمكن تكون عاديه ابدا

بجد كلماتك جميله جدا و رقيقه جدا جدا

ادم المصري said...

واحشني يا بور سعيدي


والقصيده حلوة جدا

أجدع واحد في الشارع said...

كلام جميل
واحساس اجمل
وبجد انت شعر بجد
ربنا معاك
وكل سنه وانت طيب يا بورسعيدى

hesterua said...

وليد منتصر
شكرا يا عمنا...وبعض ما عندكم يا باشا
فيولينا
منورانى وشكرا بجد على اعتبارك ده شعر
الأب الروحى
يا عم يا عم
))
روزاليا
ربنا يكرمك
مش بقولك مش قد كلامك انا
schlau
شكرا يا ابو الأحساس
غادة
فينك من زمان
منورانى
بلو ستون
شكرا على الكلام الرقيق ده
ومنورة المدونة
yello
ما غريب الا الشيطان
منورة
))
دنانير
شكرا قوى والله ينور قوى
مكسوفة
منورة قوى قوى
ومش شاعر شاعر
دى خواطر مرسلة وشكرا على كلامك
جيرو
بعض ما عندكم يا فندم
ساعة الغروب
شكرا بجد على كلامك ده
ومنورانى
ادم
فينك يا عم
اجدع واحد
مظبطنى انت دايما كده

tafaseel said...

اتعودت منك دايما على كدة و مش عارف اقول كاتر من اللي قالوه
لكن اللي احب اقوله ان الكلام اللي انت بتقول عليه مايتغناش دايما لما بيتلحن بيبقى حلى من اللي اتغنى
استنوا كلكم لحن الغنوة دي

hesterua said...

شكرا يا عم علوة يا مظبطنى دايما
مستنى اللحن اللى هيكون مفاجأة من بتةعك اكيد
بالتوفيق يا فنان

وينكى said...

بجد تحفه يا أ حمد
بسيطه ورقيقه وطالعه م القلب
تحياتى
وكل سنه انت طيب

محمد أبو الفتوح said...

جميله القصيده
رقيقه قوى و أجمل حاجه فيها إنها طبيعيه خالص و مافيهاش أى تكلف يمكن عشان كده صدقتها كلها
إتبسطت قوى لما لقيت إعلان سلمى أنا بحبها جدا و بموت فى صوتها

Omar said...

الله يا احمد.. الله بجد

هيثم محفوظ said...

إزيك
جميل قوى يا أحمد اللى إنت كاتبه
برىء و صادق المشكله إنى عايز أقول كلام مش متفزلك
بجد الكلام حلو قوى و برغم إنه غنائى قوى إلا إن كلامك برضه قصايد بجد
بعد كده تقول بعد كل غنوه إتلحنت و لا لأ علشان أشتغل براحتى
مبسوط قوى بزياراتك ليه و ياريت لو نتقابل أو حتى نتكلم فى التليفون
0108737173
سلام يا جميل

محمد أبو الفتوح said...

برىء قوى شعرك بحس إنك بتكتبه و إنت قاعد على البحر
الشعر حكاوى كتير و حكايتك جميله قوى
تابعنى و اتابعك
أحلى سلااااااااااام

hesterua said...

اسف ع الرد المتأخر
لسه شايف التعليقات

وينكى
شكرا بجد ومنورانى دايما
عمر
حبيبى يا شاعر...بجد منورنى وبتنورنى
بجد كلامك بيسعدنى جدا يا فنان
هيثم محفوظ
منورنى يا فنان بجد
وشكرا على كلامك ده
اكيد قريب هنتقابل ونتكلم
هبعتلك اميل يا جميل وهكلمك
ابو الفتوح
منور يا جميل ويدوم الود والتواصل

hoba.a7la klaam said...

حكايه جميله جدا وعاديه جدا وبتحصل لكل حد فعلا
ربنا يكرمك يااحمد بجد كلامك جميل خالص اثر فيا فعلا

arab girlscool said...

This is such a nice addition thanks!!!
عرب كول
شات صوتي
شات مغربي
إنحراف كام
شات عرب كول
صوتي
دردشه صوتيه
سعودي كول