Monday, April 02, 2007

وتضيع منى كل ما لقيتك....شكرا يا علوة




من الجميل أن يكون لديك صديق ذو صوت جميل , ومن الأجمل ان يكون لديك ميل لطبقة معينة من الصوت والأحساس فتجد صديقك يمتلك تلك الطبقة ونفس الأحساس , والأكثر جمالا عندما تطلب من صديقك غنوة لمطرب تحبه فيغنيها كما توقعت أن تسمعها , والأكثر والأروع عندما يكون لديك ميل للكتابة وتجد صديقك يبدأ فى تلحين وغناء ما تكتبه وتضعه فى جيبك ,, وهذا ما حدث مع صديقى المطرب الجميل على الألفى فقد تعرفت عليه عن طريق صديقة وفنانة جميلة عرفتنا على بعض ثم سابتنا لبعض فاتصحابنا على بعض فاكتشفنا بعض وعليه اشتغلنا مع بعض ولهذا فكل ما انتجناه من أغانى أو أمسيات شعرية غنائية كان نتاج تجربة جميلة أعجبت أصدقائنا فى بورسعيد فشجعونا لأكمالها كما فعلت الجميلة روزاليا


ومن أكثر الأغانى التى كنت أطلبها من على الألفى فى سهراتنا الدائمة على شاطئ البحر , أو لقائتنا المتكررة مع أصدقائنا من محبى صوت على غنوة فيروز الجميلة حبيتك تانسيت النوم , وغالبا على قرر انه يستريح منى فسجلها التسجيل الجميل ده





11 comments:

علي الالفي said...

انا كل ده؟؟؟؟؟؟
انا باحمد ربنا انه بعتلى صاحب زيك انسان طيب و جدع قوي
بس الاحلى
انك بتقول اللى انا عايز اقوله و ماعرفش اقوله
و فتحت ليا ابواب حلوة قوي للدنيا و المزيكا و الكلام و كل حاجة

احمد
ربنا يخليييييييينا لبعض

rosealia29 said...

جميل جداً .. ربنا ما يحرمكووش من بعض .. و تفضلوا تبدعوا و تمتعوونا ..

hesterua said...

يا عم على بجد انت تستاهل كل خير
وربنا يكرمنا ويديم المودة بينا
وانت كلامك الجميل عليا بيوصلنى من ناس كتير ربنا يكرمك بجد

روزا

ربنا يخليكى يا مظبطانا دايما

Memo said...

كل واحد حاطط صوره التاني و بتاع قطعتو قلبي و الله

المهم ان الصور تحفه و الاغنيه كمان جامده جدا بس عايزه اعرف هي دي صوره موبيل ؟؟ولا مصور متخصص هو الي صوركو


اظاهر انتو بتجيبو زباين لمدونات بعض

hesterua said...

ميمو

والله ولا موضوع زباين ولا حاجة

ولو قريتى عند على هتعرفى ان الموضوع صدفة مش اكتر

ولا زباين فانا شايف ان حد فى موهبة على يستحق زباين كتيييييييير قوى
))

بالنسبة لصورتى انا فدى اساسا صورة جيت صدفة ومكنتش واخد بالى انى بتصور واللى صورها صديقى المصور وليد منتصر

Memo said...

و وليد ده مش عامل ستوديو ولا حاجه اصل بجد واخد كادرات جامده اوي
تسلم ايده صراحه
استااااااااذ

hesterua said...

ميمو

وليد منتصر مصور بورسعيد جميل جدا
وهو مدون قديم برضه مدونته اهى

http://waleedmontasser.blogspot.com/

وده موقعه

http://www.portsaid-online.com/waleed/index.html

تحياتى

smraa alnil said...

مش قادرة اقول بجد غير ربنا يخليكوا لبعض
ويكرمكم يارب

محمد عز الدين said...

حقيقي ربنا يخليكو لبعض
وبجد صوت جميل
يستحق
تحياتي

islam yusuf said...

ازيك يابو حميد
وازى بورسعيد
رغم اننا كلنا عارفين بورسعيد بس باينها هاتتعرف بيكو بعد كده
انتو اثبتولى ان بورسعيد بتجيب مواهب فذه
الصوت جميل جدا
سلملى على صاحبك
ربنا يوفقكوا
و تتحفونا دايما

FATMA said...

احساسك بيه رائع
تعرف لايق اوي تكونو اصحاب
و صوته حلو اوي