Monday, April 09, 2007

وتر السمسمية انجرح




وتر السمسية انجرح

فى الضمة معرفناش

نوح الحمام اندبح

فرفر ولا غناش

حتى الشوارع بكت

والصحبجية اشتكت

لما الحبايب غابوا

فى السكة راحوا بلاش

طار اليمام ولا جاش

وسكن الوجع روحنا

والبوح بيجرحنا

نكتم يجرحنا

وجراحنا توجعنا

تجرحنا اوجعانا

نكتم فتوجعنا

فصاحبنا أوجاعنا

ووجعنا مصاحبناش

أحمد

10 comments:

Memo said...

انا اول واحده
هيييييييييييييييييه
برضو في حزن وفي كسره عند بعض الكلمات كانت الدمعه هتفر من عيني بجد
اعتقد انك لو نشرت كل يوم 1000 بوست من دول هنقراهم كلهم باكتر من مره و في كل مره باهتمام و بمتابعه جيده للمفردات
انت شاعر لا يمل من كتاباته ولا من افكاره
استمر ارجوك لانك متميز
تحياتشي

أجدع واحد في الشارع said...

ازيك يا احمد

اية اخبارك يارب تكون كويس

نفسى اشوفك قصيدة ميكنش فيها بجد الكسرة دى اللى بتبينك ضعيف

rosealia29 said...

سكن الوجع روحنا

و البوح بيجرحنا

وجراحنا توجعنا

تجرحنا اوجاعنا

نكتم فتوجعنا

وان بوحنا توجعنا

فصاحبنا أوجعانا

ووجعنا مصاحبناش



فعلاً يا أحمد ده إللي حصل بالظبط ..

hesterua said...

ميمو

شكرا بجد
الكسرة هنا مش شخصية وانما عامة بسبب حادث بورسعيد

باسم
منور يا معلم
مش كسرة يا باسم وانما حزن كبير

روزا

واكتر يا بنت عمى

خمسة فضفضة said...

السلام عليكم ورحمة الله وبركاته

كلام حلو اوي بيعبر بجد عن كل الحزن اللي مالي مصر بحالها
مش بس في بورسعيد ومش بس علشان حاثة الاتوبيس

لا دي حالة بلد بحاله

Haitham Abu Akrab said...

ياه كل الحزن ده انت كتبته في بوستات كتير
.
.
.
.
معلهش كنت غايب بقالي فتره
ربنا يسترها
يا احمد

مريم said...

احمد
افتقدتك جا يا شاعر يا موهوب ويارب متكونش شايل عشان القلبة اللى عملتها معاك بس انت اكيد مقدر الدهولة اللى انا فيها وبلاش ترد ع الغياب بغياب

بلال حســــنى said...

انا بقى عجبنى ف شعرك ان روحك مزج ساحر بين تفاصيلك وطريقه طقسيه غى كتابه الشعر كأنك بتتمثل بروحك ف بطريقه حد تانى بيكتب بالشكل ال انا كنت عارفه لما قريتلك

أبو ضحى said...

وسكن الوجع روحنا


والبوح بيجرحنا


نكتم يجرحنا


وجراحنا توجعنا


تجرحنا اوجعانا


نكتم فتوجعنا


فصاحبنا أوجاعنا


ووجعنا مصاحبناش

---
أثرت فى الكلمات دى اوى..إنا لله و إنا اليه راجعون

من جانب اخر أنت متميز جدا فى كتابتك
دى أول زيارة و واضح انها مش تكون الأخيرة أبدا بادن الله

تحياتى

hesterua said...

خمسة فضفضة
منورانى , وشكرا على كلامك
وفعلا البلد حزينة وكله بيصب على كله

هيثم

منور يا جميل

يا عمى حزن ايه
ما احنا زى الفل اهو


مريم

منورة يا جميل
مفيش حاجة يا ستى انا موجود اهه


ohbebo
منورنى يا جميل وانت فنان جميل حقيقى

هو لو انا فهمت تعليقك صح , يبقى دى حاجة حلوة قوى بجد

ابو ضحى

منورنى يا جميل وتنورنى دايما
وشكرا على كلامك بجد