Saturday, April 21, 2007

مش عادى

مش عادى
انك تهرب
انك تملى كفوفك حزن وتشرب
انك تسكر حزن وتبقى فى عز الفرح حزين
رايح فين
لأ مش عادى
تبقى فى وادى واحنا فى وادى
يبقى فى عينك بحر الحزن تملى غريق
ليه يا صديق
دا فاضل خطوة بين الحلم وبينك
ليه هتوه فى الماضى وتنسى سنينك
افتح ايدك
مكتوب على كفك عنوان
وفى عينك مولود انسان
لسه بيحلم
لسه بيعرف شكل الوردة
لسه فى قلبه للفرح مكان
أحمد

24 comments:

Hayam said...

عجبتني العامية
حلو
بحبه هالنوع من الكتابة
بهنيك

linda said...

صديقي بهالزمن صار كل شيء عادي
انك تحزن بعز الفرح انك تنوح رغم الصمت
كله صار عادي

كلمات جميلة جدا

Omar Mostafa said...

مش عادي صحيح يا احمد
جميل جميل، بس مش عارف لو آخر بيت خلليته لسه ف قلبه مكان للفرح، هيبقى الوقع أوقع في رأيي

Dananeer said...

رقيقه اوى يا أحمد
كانك بتطبطب على اللى بيقراها

أجدع واحد في الشارع said...

عارف اكنك بتكلمنى انا وده اول مرة احسه منك يا احمد بجد

بجد انت فنان

buffy said...

gmel awy 3la fekra

بياترتس said...

حلوه

خوليو said...

رايح على مواجهة تانية فى مكان تانى

خوليو said...

سمعت بقى يا معلم
اهو عدوية اللى انت لسا مشغله فى الاوضة اللى جنبى بيقول
وان لامونى ماعليا ملامة
ياليل ياباشا ياليل

bastokka طهقانة said...

جميلة و رايقة
انت فنان

sara said...

عبرات منك
سقطت على سطح الورقه
تركت بصمه من كلمات .. تحدثت عنك
هل رأيت يوما دمعه تتحدث؟
وتزحف,فترسم حروفا..من شعور
مثلما فعلت دموعك انت؟

عبراتك انت
حينما سقطت على سطح الورقه
قالت عنك..وضحكت عنك
فهل رأيت يوما دموعا تبتسم؟
وتعزف على اوتار السطور..فتغتال الجمود فينا
مثلمافعلت..دموعك انت؟
كلما قرأتك تغتالنى وتداوينى بحلم تخطه
اصابعك او .... ربما
عبرات منك

فهى
حزنت..فرحت .. رقصت.. انتشت
وغنت..غنت عنك,حتى ثملت من حبر اقلامك
ارى اثارها القديمه,مازالت تلمع على تلك الورقه المتعبه
قد تكون جفت..وربما اندثرت ونسيت
ولكنها ستظل مطرا..مرة يروى قصيدتك انت
ويطفىء ظمأنا للحب مرات ومرات
وان لم تكن سوى عبرات

sara said...

انت صادق يااحمد

حسام مراد said...

جميله ياابو حميد
مش عادى فعلا يافنان
تحياتى
سلااااااااااام

badry212 said...

تحياتى على هذا العمل الرائع

hesterua said...

youma
منوريا قمر
شكرا على كلامك وع المرور

لندا
منورة المدونة يا جميل
وفعلا بقى كله عادى
وكله بيعدى

تجربة
منور يا صاحبى
ملاحظتك مهمة وصح يا عمر بجد
شكرا يا فنان بجد

دنانير
منور يا قمر
شكرا بجد واتمنى تكون كده فعلا


باسم
منور يا اجدع واحد
واتمنى متكونش مكسورة المرة دى

buffy

منورنى يا قمر
وانت اجمل

بياترس
انت احلى يا جميل
منور بجد


خوليو
حمد لله ع السلامة يا ابن عمى
فعلا
وان لامونى ما عليا ملامة

طهقانة
منورانى يا قمر
شكرا على كلامك


سارة
ماشى يا عم
شكرا على الكلام الجميل ده
وع المزيكا الجميلة كمان
منور يا قمر


حسام
منور يا بلد
شكرا

بدرى
منور يا قمر
شكرا

صاحب البوابــة said...

رائع

كلماتك رائعة ومعبرة

تحياتي

Haitham Abu Akrab said...

عجبتني قوي الجمله بتاعت انت ف وادي
واحنا في وادي

.
.
.

حلوه قو ي
ارجع ليك تاني يا شاعري الجميل

محض روح said...

ليه هتوه فى الماضى وتنسى سنينك
افتح ايدك
مكتوب على كفك عنوان
وفى عينك مولود انسان

الجزء ده جميل اوي

حساه ثوره رقيقه على ثقافه العادي

ياريت يبقى مش عادي

تحياتي يافندم

ba7re said...

انك تملى كفوفك حزن وتشرب
انك تسكر حزن وتبقى فى عز الفرح حزين

الجملة دى ملهاش حل يا احمد
حسيتها اوى

-----------
مكتوب على كفك عنوان
وفى عينك مولود انسان
لسه بيحلم
لسه بيعرف شكل الوردة
لسه فى قلبه للفرح مكان


جميلة اوى التعبيرات اللى بتدى الامل خاصة فى استخدامك لالفاظ
مولود و بيحلم و الوردة و الفرح

كلام جميل يافنان
سلام :)

Memo said...

استاذ ورئيس قسم والله يا احمد

دي المرع الاتناشي الي اقراها فيها وبجد جميله كعادتك متالق

بس بقولك معلش من نفسي الاحاسيس الجميله دي يا ريت يبقا فيها حياه وغزل و حب و بنات وولاد وامل وبكره و سعاده وتفائول وعيون و قلوب وعشق و مشاعر
من اولها لاخرها امل اولها امل و اخرها امل وبترسم امل وحياه

عايزين مفردات جديده يا احمد مشاعر جديده - معلش ده ما يطلبه المستمعين على اساس اني مستمعين ومستمتعين فنفس الوقت

تحياتشي ليك يا فنان يا جميل

شيماء الجيزى said...

الله يا احمد
بجد مش عارفه اقول ايه
غير الله
ولو بسمعها
هقول اعد
بجد
حستها
حستها اوى
حستها اوى اوى اوى
وعجبتنى
وبحييك عليها
تحياتى بجد

hesterua said...

صاحب البوابة
منور يا قمر
شكرا لمرورك

هيثم ابو عقرب
منور يا عمى
وحشنى كلامك يا كبير

محض روح
شكرا يا قمر
منورنى دايما وشكرا ع الكلام الجميل

بحر
منورنى يا بحر
وشكرا على الكلام الجميل والتحليل الأجمل

ميمو
فينك يا عم
منور عامة يا قمر
وشكرا ع الكلام الجميل
وانت تأمر يا جميل


شيماء
فينك يا بلدياتى
شكرا بجد على كلامك يا شيماء
وبعض ما عندكم طبعا

شيماء الجيزى said...

يا احمد موجوده
بس انت عارفنى بقى
زى الريح
ههههههههه
سمعتها فين الجمله دى؟
اة فى فيلم
اجنبى :d

شيماء الجيزى said...
This comment has been removed by the author.