Thursday, August 25, 2005

يا ابو كف رقيق و صغيروعيون فنان محتار

لا ادرى لماذا هذا الشعور الذى ينتابنى عندما افتح مدونة الفنان عمر مصطفى و ارى هذا الثناء الرقيق على المدونة البسيطة و الجديدة خاصتى. شعور من الخجل من هذه اللفتة الرقيقة اللى متجيش الامن فنان
يعنى ثناء و نصائح واعلانات مجانية ايه ده كله يا عم عمر
اشعر انى اريد ان اقول له اكتب اى حاجة بقى يا عم عمر عشان الأحراج ده
عمر انا عمرى ما شفته بس حسيت بيه و بكلامه و كان نفسى احس بلحنه و اغانيه اللى مسمعتهمش ...بس ملحوقة

بس اسمحللى يا عمر تكون من اولى محاولاتى المتواضعة ليك ممكن تكون مدح او تشجيع معرفش
بس اللى اعرفه انى حاسس بيها و كتبتها فى خمس دقائق ....سلق يعنى

عمر مصطفى
بلمسة قلم
تقدر تذيد
وممكن تعيد
وتقدر تغزل غنوتك
وتطير بعيد
تغزل خيوط الأمل
للعيون
تفرد جناح لللأمل
ومش مكسور
جناح يضلل علينا ما يمنع نور
عمر مصطفى
بضربة قلم
ممكن تلون كل الحاجات
تحى اللى فات
وترسم لبكره طريق
وتصحى الولاد
بهمسة قلم
فى ودن الغريق
تنقذه
ويرجع برىء
بصوت القلم اللى بيجرى
على الورق الأصفر
تقدر تغنى وتكتب
حروف تعبر
موال يصبر
وتقدر تنده على الأمل
تقوله يحضر
بدمعة قلم
ممكن تنوح زى الحمام
تفصل كلام
تجمع خيوط القصايد
و تنسج غرام
للأرض
للزرع
للولاد لغناوى السلام
بلون القلم تقدر ترسم
خضرة بلادنا
سمار ولادنا
على الرض الشراقى وغرس البذور
وخشب شجرنا
اللى فى السواقى بيدور
بلمسة قلم

و اخير الف شكر يا عمر
بس خلاص

10 comments:

Lasto-adri *Blue* said...

إيه دا كله.. إيه دا كله..
تسمحلى أحسد الأستاذ عمر -حفظه الله- على هذا المدح الرقيق..
لاء بجد كلامك جميل..

على فكرة أنا عرفت مدونتك من إعلان عمر
يعنى الإعلان بينفع وقت الشدة برضو

سلاماتى يا دكتور زيفاجو

بس سؤال معلش بسيط: ليه دكتور زيفاجو؟
أنا محبتش الفيلم.. ولا حبيت عمر الشريف فى دوره.. معرفش السبب بجد
لكن سؤال بيفرض نفسه

hesterua said...

اولا شكرا على الثناء الرقيق دا يا لست ثانيا عمر انسان فير جدا و انا حسيتها فى كلامه و رد فعاه معايا
ثالث انا كنت محتار بين زيفاجو و بيجاسوس و بيجاسوس ده الحصان ابو جناحات اللى بيطير و لامؤخذة
بتاع الساطير اليونانى
بس انا مش شاعر و لا فنان بس عاوز اقول كلام كتير للبلد دى وعنها يمكن قديم او ميتهللك بسهو اللى عندى
المهم انى فى فترة الكلية كنت بشتغل فى الغردقة فى السياحة و كان الأجانب اول ما يدخلوا اليخت عندى و يشوفه التيلفزيون يطلبوا افلام عمر الشريف يعنى اى كان عمر او الفيلم هو واجهة مشرفة لينا فى مجال من المجالات
وخصوصا لما تعرفى انه من ااحسن عشر افلام فى تاريخ السينما العالمية
و على العموم مليون شكر يا لست

hesterua said...

اولا شكرا على الثناء الرقيق دا يا لست ثانيا عمر انسان فير جدا و انا حسيتها فى كلامه و رد فعاه معايا
ثالث انا كنت محتار بين زيفاجو و بيجاسوس و بيجاسوس ده الحصان ابو جناحات اللى بيطير و لامؤخذة
بتاع الساطير اليونانى
بس انا مش شاعر و لا فنان بس عاوز اقول كلام كتير للبلد دى وعنها يمكن قديم او ميتهللك بسهو اللى عندى
المهم انى فى فترة الكلية كنت بشتغل فى الغردقة فى السياحة و كان الأجانب اول ما يدخلوا اليخت عندى و يشوفه التيلفزيون يطلبوا افلام عمر الشريف يعنى اى كان عمر او الفيلم هو واجهة مشرفة لينا فى مجال من المجالات
وخصوصا لما تعرفى انه من ااحسن عشر افلام فى تاريخ السينما العالمية
و على العموم مليون شكر يا لست

Lasto-adri *Blue* said...

لا شكر على واجب يا دكتور.. وشكرا على معلومة أحسن عشر أفلام دى..
بس برضو مش باحب الفيلم دة
:P

hesterua said...

دى حاجة ترجعلك يا لست بس يا ريت الدونة تعجبك و تكون نبراس يضىء بالحكمة و العظايا......ايه اللى بقوله ده
الف شكر ليكى يا لست

Omar Mostafa said...

يا أحمد أنا مش عارف أقول حاجة بجد، مش عارف اقول غير اني مستاهلش ده كله.. بس أشكرك من كل قلبي، لإني متأكد انك بتقول ده من قلبك، وده لوحده حاجة كبيرة.. كبيرة قوي.. شكراً يا أحمد

Omar Mostafa said...

بالمناسبة حاول تشيل الإعلانات دي كلها، انت مستهدف يابني ولا ايه؟؟

Lasto-adri *Blue* said...

omar:
أنا بقول إنه مستهدف
أو الإعلانات شايفين فيه لبلوجه مستقبل فبدؤوا الهجوم من بدرى
ناس عندها نظر صحيح

الدونة مين؟!

hesterua said...

شكر على ايه يا فنان
انت تستاهل اكتر من كده والله
الواح بيحب الناس من كلامها و ايلوبها و كلام الناس عليها و انت كلامك اللى شايل احساسك و صلنى زى ما وصل ناس كتير و زى ما الأنسان بيعجب بكلام اى فنان ما شافوش
وبص بقى يا عم اكتب حاجة بقى مش كل ما افتح مدونتك الاقى الأعلان ده كفاية احراج بقى يا فنان

hesterua said...

الحاجة لست
والله يا حاجة انا بكتب فى المدونة بالعافية ولسى معرفش اشيلها اززاى
انا كنت فاكرهم خواجات معجبين بالمدونة وبيعلقوا عليها و كنت فرحاااااااااااان جدا انى وصلت للعالمية وانى شرفت مصر فى المحافل و المداون الدولية