Friday, December 16, 2005

كلاكيت........صباح جديد

صباح جديد
استيقظ من نومى العاشرة صباحا
احساس بالملل
والفراغ
الحنين لشىء ما لا ادرى كنهه
لكنى اعرفه واشعر به
متأكد
انى سأعرفه من وجهه
الذى لم اراه
من صوته
الذى لم اسمعه
اذهب للمطبخ
مرتديا بيجامتى الأذلية
ذات الخطوط الزرقاء
اتناول بيضة من الثلاجة
اتأكد من خلوها من الشروخ
-التى اصابت حياتى مؤخرا-
اتاكد من قابليتها للسلق
-حتى السلق اصبح مشكلة-
قلتها لنفسى
انتهيت من عملية السلق
جاء دور الخبزالأن
النار ما ذالت موقدة
تنادى الرغيف
-من الثلاجة للبوتجاز يا قلبى لا تحزن-
جرس انتهاء الفسحة
من المدرسة القريبة يأتينى
مع هدير التلاميذ
صوت الأكورديون الكئيب
يعزف احد الأغانى الوطنية
العقيمة
الكئيبة كالعادة
انتهى من عمل الشاى
احمل كل غنائمى من المطبخ
اجلس على مقعدى المفضل
امام التيلفيزيون
برامج الأطفال السخيفة
اغانيها العقيمة ايضا
-اطفال الدنيا الأيد فى الأيد-
المذيعة البلهاء
البرنامج الدينى فى القناة الأخرى
نفس الحلقة منذ عشر سنوات
نفس الشيخ
نفس الكلام
نفس الوقت من اليوم
أه
البيضة لم تستوى جيدا
الشاى يحتاج لسكر
السكر عند البائع
البائع فى الخارج
كل ما فى الداخل يطردنى للخارج
وكل ما فى الخارج يجبرنى التقوقع
فى الداخل من جديد
لصباح جديد

زيفاجو

6 comments:

radwa osama said...

جميله قوى يا احمد .. حسيتها بجد وبسيطة قوى

Lasto-adri *Blue* said...

اتناول بيضة من الثلاجة
اتأكد من خلوها من الشروخ
-التى اصابت حياتى مؤخرا



كل ما فى الداخل يطردنى للخارج
وكل ما فى الخارج يجبرنى التقوقع



زفاجو.. مش عارفة أقول لك لإيه.... انا بحب الأسلوب دة.. لو لاحظت يعنى

:) :)

hesterua said...

رضوى
متشكر قوى يا رضوى
اسعدنى قوى انها محسوسة

لست
اكيد لاحظت ومن زمان

سامية said...

يا سيدي ع التفاصيل! جملة
"اتأكد من خلوها من الشروخ
-التى اصابت حياتى مؤخرا"
والعنوان: كلاكيت صباح جديد، عجبوني بالذات

شاطىء أخر said...

كل ما فى الداخل يطردنى للخارج
وكل ما فى الخارج يجبرنى التقوقع
تلخيص رائع لحالة ممكن علاشان تتشرح تاخد كتب و كتب

hesterua said...

سامية
تفاصيل ايه بس
هنروح فين يا ستى فى منمناماتك الجميلة
عامة متشكر قوى قوى
وسعيد انها عجبتك

على الشاطىء
لأ انا مش قداالكلام الكبير ده
متشكر جدا والله