.0.jpg)
أنا وأنتى
حكاية عادية جدا
حكاية أى حد
بدأ الكلام بورد
وخلص زمان بوعد
لكن ودى الغريبة
لسه بحسك قريبة
مع طلعة كل فجر
ولما الديك بيدن
بحن ليكى جدا
اكتر من أى حد
وأفتكر ملامحك
وبلوزتك أم ورد
وشعرك الفلو
وبرفان معرفش اسمه
ورقة كلمة ألو
وأقول سنين وعدت
القى الشمس اللى طلعت
وفى حضنها النهار
تقول دا كان هزار
واقول قلب بجد
))
حكاية عادية جدا
حكاية كل حد
احمد
والصورة ...عدسة العبد لله برضه
22 comments:
جميلة جداً
عادة مش بحب الأشعار المكتوبة بالعامية إلا فى حدود ضيقة جداً .. لكن نصك مقتحم لأى حد يقراه
شجن نبيل يتدفق من بين السطور
***
أعجبتنى الصورة أيضاً .. فأنا من هواة التصوير وإن لم أجد الفرصة بعد للتمادى فى جنونى به
***
تحية لك
سيدى يا سيدى على الحب
!!!!!!!
بقت حكاية غير عادية لأنك كتبتها .. و بإحساسك نقلتها ..
و لسبب بسيط كمان .. إنك مش أي حد ..
دمت ..
فعلا رائعة و كلها احساس.
تحفة :))
جميلة قوي ودافية ...
واحلى مافيها براءتها ورقتها ..
عاملة زي كوباية شاي بلبن دافية في صباح يوم شتوي .. عادية جدا ومدهشة جدا
تحياتي
حلوه و دافيه زى الشمس اللى فى الصورة يااحمد
حلو انك كل مادا كمان تعرف ان مصر حلوه اوى بس محتاجين نشوف كويس حوالينا
ده
اول أكتشاف لي عنك
انت شاعر عاميه
بتكتب برومانسيه
كل سنه وانت طيب
حكاية عادية
ف كلام بساطته ورقته مش عاديين
عبقري والله يا احمد
اولا لما انت بكلماتك الرقيقه دى تبقى صاحب الحكايه لا يمكن تكون عاديه ابدا
بجد كلماتك جميله جدا و رقيقه جدا جدا
واحشني يا بور سعيدي
والقصيده حلوة جدا
كلام جميل
واحساس اجمل
وبجد انت شعر بجد
ربنا معاك
وكل سنه وانت طيب يا بورسعيدى
وليد منتصر
شكرا يا عمنا...وبعض ما عندكم يا باشا
فيولينا
منورانى وشكرا بجد على اعتبارك ده شعر
الأب الروحى
يا عم يا عم
))
روزاليا
ربنا يكرمك
مش بقولك مش قد كلامك انا
schlau
شكرا يا ابو الأحساس
غادة
فينك من زمان
منورانى
بلو ستون
شكرا على الكلام الرقيق ده
ومنورة المدونة
yello
ما غريب الا الشيطان
منورة
))
دنانير
شكرا قوى والله ينور قوى
مكسوفة
منورة قوى قوى
ومش شاعر شاعر
دى خواطر مرسلة وشكرا على كلامك
جيرو
بعض ما عندكم يا فندم
ساعة الغروب
شكرا بجد على كلامك ده
ومنورانى
ادم
فينك يا عم
اجدع واحد
مظبطنى انت دايما كده
اتعودت منك دايما على كدة و مش عارف اقول كاتر من اللي قالوه
لكن اللي احب اقوله ان الكلام اللي انت بتقول عليه مايتغناش دايما لما بيتلحن بيبقى حلى من اللي اتغنى
استنوا كلكم لحن الغنوة دي
شكرا يا عم علوة يا مظبطنى دايما
مستنى اللحن اللى هيكون مفاجأة من بتةعك اكيد
بالتوفيق يا فنان
بجد تحفه يا أ حمد
بسيطه ورقيقه وطالعه م القلب
تحياتى
وكل سنه انت طيب
جميله القصيده
رقيقه قوى و أجمل حاجه فيها إنها طبيعيه خالص و مافيهاش أى تكلف يمكن عشان كده صدقتها كلها
إتبسطت قوى لما لقيت إعلان سلمى أنا بحبها جدا و بموت فى صوتها
الله يا احمد.. الله بجد
إزيك
جميل قوى يا أحمد اللى إنت كاتبه
برىء و صادق المشكله إنى عايز أقول كلام مش متفزلك
بجد الكلام حلو قوى و برغم إنه غنائى قوى إلا إن كلامك برضه قصايد بجد
بعد كده تقول بعد كل غنوه إتلحنت و لا لأ علشان أشتغل براحتى
مبسوط قوى بزياراتك ليه و ياريت لو نتقابل أو حتى نتكلم فى التليفون
0108737173
سلام يا جميل
برىء قوى شعرك بحس إنك بتكتبه و إنت قاعد على البحر
الشعر حكاوى كتير و حكايتك جميله قوى
تابعنى و اتابعك
أحلى سلااااااااااام
اسف ع الرد المتأخر
لسه شايف التعليقات
وينكى
شكرا بجد ومنورانى دايما
عمر
حبيبى يا شاعر...بجد منورنى وبتنورنى
بجد كلامك بيسعدنى جدا يا فنان
هيثم محفوظ
منورنى يا فنان بجد
وشكرا على كلامك ده
اكيد قريب هنتقابل ونتكلم
هبعتلك اميل يا جميل وهكلمك
ابو الفتوح
منور يا جميل ويدوم الود والتواصل
حكايه جميله جدا وعاديه جدا وبتحصل لكل حد فعلا
ربنا يكرمك يااحمد بجد كلامك جميل خالص اثر فيا فعلا
Post a Comment