Sunday, April 29, 2007

غروب

وقت الغروب
لا بفتكرك....ولا بتعب وأخبى
لأن اللى زيك
لا ينفع يتحب
ولا حتى يتكره....ويتعب قلبى
انت اخرك تتنسى
كأنى معرفتكش
ولا كنت يوم جنبى

أحمد
الصورة ...عدسة الفنان وليد منتصر

13 comments:

دعاء عادل said...

بس عارف بعد الغروب واليل بيجى النهار وبيمحى اى اثر للضلمه
ده واقع مش كلام
احساسك حلو اوى

أحمد سلامــة said...

تحياتي اولا لعدسة وليد الجميلة
بوست خفيف ولذيذ
فعلا في ناس كده
كل علاقتنا بيهم لازم تختصر على مجلرد نسيانا ليهم
تحياتي لك

عمرو غريب said...

وقت الغروب وقت جميل اوي كفاية بس روئية الشمس في وقت الغروب تحياتي عمرو غريب من مدونة بيت الرياضة المصرية

أسوور said...

تعرف
انا طول عمرى بأعتبر مشاعر الكراهية والمشاعر حتى السلبية هى برضه مشاعر
لما حد يقول انه لا بيحب ولا يكره أعرف ان الحكاية انتهت
بس فى هنا حاجة محيرانى
لو فعلا انتهت وماتت
ليه لسة بتكتب عنها؟
تحياتى

hesterua said...

دعاء
شكرا على كلامك الجميل
بعد الغروب بيجى ليل اسود
لكن فعلا مهما طال بيجى النهار

احمد سلامة
تحياتك وصلت ياجميل
منور


عمرو غريب
منور انت والرياضة كلها

ياسمين

اعتقد انك فهمتينى غلط

انا اساسا محبش مشاعر الكره
ولا احب انها تكون فيا
ولو زارتنى لسبب ما
بحاول على قد ما اقدر اشيلها
والبوست ده مش كره قد ما هو حالة

بمعنى
انى بقول لا ينفع تتكره

والعبارة دى جيت فى دماغى مش عارف منين وسمعتها فين بس حسيت انى عاوز اكتبها فكتبتها

كمان هى مش لحد معين خالص
والصورة اللى مع البوست تمثل صياد الخلول على شاطئ بورسعيد وهو بيقوم بعملية تنقية وتنقيح الخلول من الرواسب وقت الغروب
يعنى بينقح وينقى ويغسل

تحياتى

Lemonada said...

الليل بيجي عشان يجي بعدو نهار جديد نفتح الامل الجديد وننسى الماضي

صورة جميلة وبالتوفيق

sara said...

كلامك قاسى اوى ده حتى كتير الكراهيه عليه يعنى من الاخر الشخص اللى يعينى عليه ده على الهوامش خالص هو فى قسوه اكتر من التجاهل ربنا مايحكم على حد

Esmeralda said...

ابلغ رد على واحد من الواضح انه يستهله

علي الالفي said...

انتظروا اللحن في اول حفلة خاصة بيا انا و احمد ان شاء الله
و ادعوا انها تكون قريبا

yamen said...

شوف يا عم احمد

الصورة حلوة جدا
و فكرة القصيدة حلوة جدا برضه

بس مش عارف ليه انا حاسس انك كنت محتاج تكتبها تاني

بصراحة "فيلم عريي" كانت احلي


تحياتي

ماسة الحب said...

اولا مفيش حد يبقي كل اللي يستاهلوا انه يتنسي وحتي لو قلت كده يبقي اكبر دليل انه فاكره ولسه واخد مكان في قلبه احنا دايما لما بنحب نهرب بنقول كده

Haitham Abu Akrab said...

هو الواحد قلبو تعب من قليل يا فنان
.
.
.
.
.
.
.
فلسفه حلوه قوي في اختصار كعادتك يا استاذنا

Sarah Eliwa said...

ياخبر! ...بس حلوة برضه