يوم الحد الجاى انشاء الله , الساعة 8 ونص فى ساقية الصاوى , هتكون اولى مشاركات صاحبى وحبيبى وبلدياتى والصوت اللى بحبه جدا على الألفى مع فرقة صبا و الصديق الفنان الجميل صاحب التجربة اللى عجبانى جد برضه هيثم محفوظ
على الألفى مهندس من بورسعيد , مطرب وملحن وعمل حفلات ناجحة كتير فى بورسعيد والقاهرة ,, وهيثم محفوظ مدرس من المنصورة برضه مطرب وملحن وعمل حفلات ناجحة كتير فى المنصورة والقاهرة
من أجمل الأغانى اللى على مشهور بيها غنوة الرائع محمد قنديل تلات سلامات وغنوة رائعة من الحانه اسمها وحشانى كتير
ومن أجمل أغانى هيثم واللى بعتبرها غنوة رااااائعة هى غنوة ساب الجنينة ودى اللى عرفته عن طريقها, والغنوة الرائعة اللى كتبها الشاعر بهاء جاهين واللى اسمها شط بحور
الحفلة انشاء الله يوم الأحد 3 يونيو الساعة 8 ونص ..قاعة الحكمة بساقية الصاوى
5 comments:
ان شاء الله تكون حفله جميله وناجحه ليهم
جميا اهتمامك باصدقاءك وحرصك على ان الناس تعرفهم و تروح تتفرج عليهم
تحياتي
:)
ربنا يوفقهم يا رب
سؤال
هي الاغنية اللي في الخلفية اسمها ايه؟
الله الله الله، ايه الأصوات اللي تفرح دي، انت جاي يا احمد وللا ايه
كابتن كابتن
ممكن اجى هناك؟؟؟؟
هههههههههههههههههههه
انا و الله نفسي كل الناس تيجي و تشوفنا
على فكرة يا دينا الغنوة اسمها صباح و مسا لفيروز و موجودة في اخر البوم ليها "ولا كيف"
ربنل يوفقهم انشاءالله
النجاح حلو اوي وخصوصا لو كان الناجح مبدع
تحياتي
محمد سمير
Post a Comment