Saturday, December 10, 2005

ليه الغربة

شعور غريب وانا وياكى

لسه معاكى

ليه الغربة وانا جواكى

وانا اللى كنت عاشق للحاجات

طالما فيها اسمك

انا اللى كنت بلضم الحكايات

فى فلك عشقك

ليه اتغرب

وانا لسه من النيل بشرب

واتوضى منه

وادعى

حلمنا يقرب

اول مرة اشوفك قاسية

على حكاياتى

على احلامى

اول مرة اشوفك قاسية عليا

اول مرة

اسمك يهرب من غناويا

رغمن انى

اول مرة كتبت قصيدة كانت عنك

واخر مرة كانت ليكى

واول غنوة واول لحن

كانوا لعينيكى

يعنى معاكى

وانا جواكى

يمكن مرة بعدت شوية

مرة قسيت

قولى نسيت

بس الحاصل انى رجعت

حتما جيت

راجع شايل الحكايات و الحواديت

حافظ غنوة و لا نشيد

وعمر بعيد بيقول الأه

اهه وطالعة من جوه الضلوع

أه يا زفرة دافية

تقدر تنشف بحر الدموع

أه يا زفرة قوية تقدر تحرك كل القلوع

دا مركبى فى بحرك

عشقان انا شطك

موعود انا بارضك

مشتاق انا لحضنك


زيفاجو

3 comments:

محمود عزت said...

اللى كنت بلضم الحكايات

فى فلك عشقك

ليه اتغرب

وانا لسه من النيل بشرب

واتوضى منه

وادعى

حلمنا يقرب




جميل يا أحمد :)

hesterua said...

انت اللى جميل و الله
انت كنت فين من زمان
على فكرة انت شاعر جميل قوى
بتعرف تمسك الأحساس قوى

فرصة جميلة انى عرفتك

hesterua said...

فرصة اجمل يا عم هانيبال والله
تحياتى انا كمان