درج خشب جوه الدولاب
جراج قديم
لأمل مركون
فى جراج مسكون
بالمتكسر
والمتبعتر
لحاجاتى زمان
فى جراج مليان
بالمتعبى
والمتخبى
من سكة بكره وامبارح
درج خشب جوه الدولاب
نسيت وسيبته
رغم البعاد
عشقانى ريحته
درج خشب جوه الدولاب
شريط قديم
غلاف كتاب
وكام قصيدة من غير فلوس
ورق نتيجة
ورقم جلوس
درج خشب بطعم الساعات
بورق جرايد
يحكى اللى فات
وصورة ليسرا
فى التمانينات
درج خشب
وبرواز قديم فاضى
مستنى الرسوم
حصان خشب
لولد اسمر
وبنوتة
بحلم متحوش لبكره
منشال من سنين
والحلم متشوق
لضفيرتين
درج خشب وجراب نضارة
وطيارة ورق
خيط سنارة
نحلة تدور
ماتش بلى فى ارض بور
وراديو قديم
بخبر بايت
وكام خبر فايت على وداننا
صوت المزيع
حلوة المزيعة
مارش الختام
وتاه الكلام
دا درج خشب مبينساناش
بكاميرا قديمة
من غير فلاش
البوم صور
وفيلم فاضى
كاميرا قديمة يا بلاش
وياما شافت
والشعر شاهد
دا الشعرة شابت
كاميرا قديمة بحزام شاش
زيفاجو
3 comments:
إيه الحلاوة دي!!! داخل انت في سكة المفاجئات والحاجات والمحتاجات والنحلة تدور وماتش بلي في أرض بور! ده كلام جميل قوي! القصيدة دي عجبتني جدا
لالالالا
دا انا مش قد الكلام ده
بجد سعيد جدا ان هى عجبتك بجد والله
دى بقى محاولاتى المتواضعة
امبارح
كان اففتاح الندوات الشعرية بتاعت مؤتمر ادباء مصر العشرون
الندوة ميعادها 8
بدأت كالعادة الساعة 11 ونص
كان كل الجمهور مشى عشان البرد
الجمهور كان هما الأدباء
اللى جايين من القاهرة
مكنش فى القاعة حد من بورسعيدالا انا وواحد زميلى ومحمد عبد القادر
كان قاعد جنبى
احمد نوار بتاع قصور الثقافة
ومسعود شومان
وطاهر البرمبالى
ومحمد الشهاوى
والعبقرى محمد عبد القادر ..تلميذ عم جاهين على فكرة
لما طلبوا اسماء شعراء بورسعيد الشباب محدش كان موجود
وانا مش شاعر اساسا
قلت اطلع عشان الفضايح
بس مكنش معايا الا دى
قلت بلاش فضايح
it s a nice try keep going
u like memories so much
7 rember all small things that formed ur personnality.
u like to live in the past?isnt it?
Post a Comment